ذكريات ومن هنا وهناك (الجزء الأول)

تعوذ من الشيطان يا ابا حاتم وانت يا ابا خالد ويا ابا توفيق تعوذوا من الشيطان واعطونا فرصة ندافع عن نفوسنا .
قولوا لا اله الا الله وصلوا على النبي يا الربع .
المسألة وما فيها ضيوف جونا من القصيم ولهم علينا حق ، طلبوا مني انا يا محاكيكم اروح معهم جهة الجنوب لعدم معرفتهم بتلك المنطقة ومواقعها قلت ابشروا وبما إن ابو اديب وفي رواية علي الجيزاني خبير بتلك المناطق زقيت بعقالي في حثلة وقلت تكفى يا علي فيما اطلبك فيه ، قال : ابشر قلت : ترافقنا تدلنا على جيزان وضواحيها ، قال ابشر ورافقنا فزعة رغم انه مشغول وما هوب فاضي هذا كل ما في الموضوع لا اكثر ولا اقل وماهوب معقول اقش الرفاقة كلهم واقل تعالوا دلونا على الطريق خاصة والناس مشاغيل وعندهم اختبارات ولا هوب معقول نقل للضيفان عودوا من حيد ما جيتم انحن مشاغيل ما ترضونها لنا ، ولا هوب معقول نحرّج عليهم في الساحات ونقل افلحوا يا مفاليح عندنا ضيوف بيروحون الجنوب .
قمنا بالواجب عن الجميع ، فهل انحن مخطين ؟! وهل نستحق هذي النفرة منكم ؟! وكيف تقطعون فرشنا بمشاعيبكم ( مع احترامي للمشاعيب كلها )على الاقل انشدونا وش عندنا .
يا عبد الله بن رمزي يا محمد ابو عالي يا احمد بن فيصل ويا بقية الموامين تكفون تدخلوا واحكموا ( ما قدرت ادعي علي بن حسن خوف من القانون الفرنسي )
وصلى الله على محمد والسلام .