~~ سطـر أ حاسيسك ~~

.
.
.

صباح الجرح ياجرحٍ نزف في صفحة الأحزان = صباح النوح والصمت الطويل وقسوة سنيني
صباح الهم والضيقه صباح البوح والحرمان = صباح آلام عمري يالدموع اللي بكت عيني
صباح الحزن ياحزنٍ بوجهي صار له عنوان = تعرّى في ملامحه وجهله اللي يحاكيني
يمر الليل وأحزاني تراودني وأنا سهران = وصبحي تنجلي شمسه وأنا همومي تخاويني
لك الله يازمن يكفي ترى مليت هالكتمان = ترى مليت ضحكاتي بوجه اللي يواسيني
أحاول أخفي جروحي وأعايش قسوة الأزمان = وإذا قالوا عسى ماشر أقول ابداً وأنا فيني
وأنا أشيل بداخلي حزنٍ تعدى طاقة الإنسان = قدرت أخفيه وأتجاهل ندى جروحٍ تناديني
ألا يالله تغفرلي ذنوبي ياعظيم الشان = وألا يالله في عفوك عن همومي تسليني
مساء الخير ياجرحٍ نزف في صفحة الأحزان = مساء النوح والصمت الطويل وقسوة سنيني

.
.
.
.
.
.
.
.
.
.
.
.
.
.
.