محاورة بين بن هندي والبديع (يالبديع الدراسه أبتدت وين أنت)

.

*****

البدع من بن هندي

أنا ولعت ناري وقربت المعاميل =
ونار الشعر ماظن تطفيها المطافي =
في الأسوق لابد من بايع وشارون =
ولكن السبايك تثمّن مـن وزنهـا =

الرد من البديع

اجي مالخط سيده ولا باجي معا ميل =
وحوت القرش ماعاش فوق البحر طافي =
لاهو ميت ولا حي ذاك الشين شارون =
تزين القارعه حيث ابن هندي وزنها =

يتبع
*****

 

 

.

*****

البدع من بن هندي

تولّف بالقصايد وتعجبك الاقاويل =
وضيعت الهدف بين متواصل وجافي =
اداري بك ولكن ناسُ مايدارون =
واطفي نارك اللي تقول مولعنها =

الرد من البديع

عصى فرعون ربه وتدري به لقاء ويل =
وجانا الدين الاسلام بالحكمه وجا في =
يبخت الي على مافرضه الله يدارون =
وويـل اهل الكفر والضلال الله لعنها =

يتبع
*****

 

 

.

*****

البدع من بن هندي

يابو ماجد هبينا الرشا فوق المحاحيـل =
وحب البرّ كلنـاه واصبـح بالقفافـي =
رضيو بعض الأصحاب والباقي يمارون =
وأنا تايه معاهـم وروحـي موجعنهـا =

الرد من البديع

انا باقبل نصيحتك ياخي والمح احيل =
ولكن ماقبل الرميه الي من قفا في =
قصايدنا عليها بعد باقي يمروون =
سفينه غارقه من يرد الموج عنها =

يتبع
*****

 

 

.

*****

البدع من بن هندي

قصايدنا صريحه ولا تحتاج تاويل =
نوجّها ونرمي ولابه شي خافـي =
فقارا يالبطل مامعانا مال قارون =
ولو طال العمر فالحياه مودعنها =

الرد من البديع

يابو ماجد في الحرب جاء علماً وتاويل =
وما خوف كثير البشر من لا يخافي =
تدري الوعلان ماتهدم النايف بقارون =
انا وديت لك علم وانته ود عنها =

يتبع
*****

 

 

.

*****

البدع من بن هندي

مريّح خاطري وأبصر دروبي تساهيل =
ولا يختل شعري معا نونـي وكافـي =
تواضعنا على شانكم يامن تجـارون =
وجوه أحبها وأي وجوه أصدّ عنهـا =

الرد من البديع

وجوب الضيف عندي تراحيب وتساهيل =
حصل ماقد وصل والبديع يقول كافي =
يابن هندي نقل للذي خايف تجارون =
وصحبة كل جيد انا ماصد عنها =

يتبع
*****

 

 

.

*****

البدع من بن هندي

بنرميكم وترمي معي طيرُ أبابيل =
وامشيكم على خط مافيه إنعطافي =
مادام أنتم غشم بالقصايد لاتبارون =
ترون المعرفه ربي اللي موزعنها =

الرد من البديع

تمثلنا في العلم ماحسب هبابيل =
نعينا صاحباً مات ولا انت انع طافي =
من بر ابوه ياشيخ جاه اولاد بارون =
والعاقل رميت الغير ليت توز عنها =

*****

 

 

.

*****

الحقيقة أن شهادتي في الأخ العزيز بن هندي مجروحه لاني معجب فيه وفي شعره وقد شاركنا في رحلة العيينه برفقة الأخوين العزيزين أبو فارس وأبو رامي وقدم عدد من القصائد الرائعة والمحاورات التي سجلها بينه وبين عدد من الشعراء وعلى رأسهم عضو ساحات وادي العلي إبن عبوش الزهراني

أما الأخ العزيز ابو ماجد عبدالله (البديع) فهو اسم على مسمى وقد تعدى مرحلة الابداع الى الاحتراف فله مني الشكر والتقدير

*****