يالشيخ عبدالله ابن رمزي تعال إلى هنا - محاورة - وين الجمهووور

أستلم يا أبو سامي ولا يهون اللي على المدرج :

بدع / حسن الدوسي :
إن كان مقصودك تشوف العماير والبناء
فعندنا في مملكتنا الكثير وما يزاد
وإن كان مقصودك بعِلمٌ مغبّى بااكتشاف
سافر وحذرى حِن ترى اسياد ماحد سادنا
واحذر مِن اللي فالقِرايه تعِلّ قرايته
--


وسلامة الجميع ؛؛

 

 

يا ابو احمد إنت رجال تعرف العلوم كلها والسفر له اهداف يحققها المسافر وإذا كان خويك تمام فهذا المبتغى وإذا كان ماشي عكس التيار وش عاد نسوي به ماله إلا نجاريه ويعين الله .. أما السيادة ماهي حولنا ولا لنا فيها رغبة ..

الرد
الصاحب اللي في طريق الخطا هرول بنا
ماعاد لي رغبه في اكلي وخذت الماي زاد
ياصاحبي كنت احسب إن الخوافي بك تشاف
مانيب لا طماع منصب ولا حساد انا
ابترك المنصب وغيري تعلق رايته

 

 

صحت السنتكما وفقكما الله
نتابع بصمت وننتظر المزيد

 

 

هلا أبو خالد

سعدنا بمتابعتك لهذه المحاورة ولا تحرمنا من إطلاعك وصالح دعائك بارك الله فيك .

أبو سامي
أشوفك غيرت مسار المحاورة وهذه تعتبر ضربة معلم تحتسب لك والله يشهد .

وما دمت جبت طاري الرايات فأستلم البدع الجديد بارك الله فيك :

بدع / حسن الدوسي :
الصُّحبه ما تبنى على ضيقةٍ ومداحنا
وانا بغيت ارخي حِبال المحبه وانت شاد
يا صاحبٌ للمغرب وديارها سوّاح لاف
مزحك دغاله ما عرف مزحنا مِن جِدنا
واخاف من غنّى بصوته ومِن ناجى يته
--

وسلامتك ؛؛

 

 

استلم ياحسن
الكفو ما يحتاج تمجيدنا وامداحنا
معروف بين الناس من غير لمحة وانتشاد
والغير ونعم ماعلي منه لو سوّا حلاف
لجل المثايل والحكم سابقة من جدّنا
كم من نصايح كم من اشوار منّا جايته

 

 

.

*****

طيب طيب يا أبو سامى ولا يهون أبو احمد
لا لا له

لجل المثايل والحكم سابقة من جدّنا
كم من نصايح كم من اشوار منّا جايته

حليله وش ياخذ وش يخلي (مثايل وحكم ونصايح وأشوار)

صحت ألسنتكم وابدانكم
نتابع ونستمتع وناخذ القصائد على الظاهر والمعنى يقعد في بطن الشاعر

*****

 

 

هلا ابو توفيق

اقول

اشوفك حولت الى صف ابو سامي . وش السالفة ؟!

اما انا ما معي احد المشكى على الله .

بالنسبة للقصائد فاانا ابنيها على نيتي والله اعلم بالنيات . وتراني صداق وامشي جنب الحيط مااحب المشاكل . ههههه

دمت لنا محب ياابوتوفيق .