ديون سعد بن جري الشهري - شاعر نظم وعرضه وقلطه

أطل رائد الإثارة والحماس والعذوبة سمو الامير الشاعر خالد الفيصل بقصيدة التحدي في جريدة الوطن يوم الجمعة 17/02/1427هـ وجاراه شاعرنا سعد بن جري بقصيدة وإليكم القصيدتين متمنيا للجميع الاستمتاع


قصيدة التحدي السعودي للأمير الشاعر خالد الفيصل

كـل مازادالتحـدّي زدت قــوّه=عادةٍ لابوي وجـدّي مـن قديـم
حاملين المصحف وهدي النبـوّه=والسّيوف إذا أنتهى حلم الحليـم
من قديم سنينها ماهـوب تـوّه=اسأل الدرعيّـه وركـن الحطيـم
السّعودي له مـع القـوّه مـروّه=إن ضرب يقطع وإذا أستولى كريم
وإن رحل قرمٍ ظهر قـرمٍ مفـوّه=مأسده أبطـال معظمهـم عظيـم
يالعدو ماكان فـي نيّتـك سـوّه=نستعين الله على حرب الخصيـم
كل ماشب العـدو نيـران ضـوّه=انسكب من مزننا سيـل ٍ وديـم
تجرف سيول الغضب قوة عـدوّه=وتجعل قصيرات هقواتـه هشيـم
والمنابت تزدهر من ديـم نـوّه=مايميل بزهرهـا غيـر النّسيـم
ناصـع تاريخنـا ماقـد تشـوّه=مايضيـره جاحـد غـرٍ لئـيـم

قصيدة المجاراه للشاعر سعد بن جري

كل ما زاد التحـدي يـا سمـوه=زادت الهقوات يا الحـر العديـم
عادتك يا موجع قلـوب الشنـوة=ضد من ضدك لضى باس وتضيم
تضهد العايل وعيلاتـه وسـوه=لين يصبح راحل ظنونـه مقيـم
ومن يلوذ بشيمتك يلقى سلـوة=تكرمه ويصير له جاه وحشيـم
تغمره جودات أخوتـك والأبـوة=في ذراك يعيش في خير ونعيـم
منهج لك به صلة ورث وعنـوة=له سناء أمجادك وتاريخك نديـم
منزلتك بهامـة المجـد وعلـوه=تستقل بعرش وبتـاج الزعيـم
عشت أبو بندر والأمجاد النقـوة=نقوة الهقوات والفكـر السليـم
وأنت حامل راية الفكـر وتنـوه=راعي للمنهـج العـدل القويـم
منهج يضويه فكرك مـا يتـوه=ما يتوه إلا هل الفكـر الوخيـم
في سماء درعية الدين والأخـوة=ما تزال أصداء نداء المجد العظيم
يا بن من لا مر مثلـه بالفتـوة=بأمره احتار السياسي والفهيـم
في مهاده ما تغـذى إلا ضـروة=والسياسة مرتوي منهـا فطيـم
ويا حفيد مؤسس المجد ونمـوه=معجزة الأيـام والليـل العتيـم
لقحت الدنيا به إقـدام وجـروة=وأنجبته إعجاز مجـد مستديـم
ما بنـاه معـزي بليتـه ولـوه=إلا بإقدام وضرب فـي الصميـم
المراجـل مـا تهيـا بالمنـوة=ولا يفوز بها جبـان ولاغشيـم
ما تجي إلا با لشكالة والسطـوة=والدهاء والرشد والراي الحكيـم
رو يا جلاد سيـف الحـق روه=أروه ويعطش خبـال المستهيـم
السعودي شامخ مـا بـه دنـوة=والعدو حسدٍ على السراء كظيـم
لا عدمنا من خلق للعـدل جـوه=للقران وسنـة الطاهـر مقيـم

شكرا للشاعر القدير / سعد بن فايز بن جري آل محيا الشهري

 

 

قصيده للشاعر سعد بن جري الشهري يمدح فيها الشيخ ناصر بن حثلان السبيعي من شيوخ قبيلة سبيع

كلمـا شفـت لعديـم فــزة = فرحة اليا جـاوه الضيفانـي
أتذكـر شيـخ مـن العـزة = نادر مالـه وصيـف ثانـي
فـارق بالمرجلـه ومـنـزه = عن عيوب الناس قاص وداني
شيخ من شيوخ مجد وعـزة = مـن قبيلـة كلهـم شيخانـي
ساير الغلبـاء سبيـع النـزّة = والنزاهة ديـدن الشجعانـي
عـزوة راياتهـا متـرتـزة = من شمالي نجد إلى الوديانـي
مجدهم ما له حـدود وحـزة = عامر من خلقـوا السبعانـي
الولـد منهـم شنـار ونـزة = وميتهم حي لـو إنـه فانـي
يا مسولـف كـل علـم وزه = قل يقوله بـن فـلان فلانـي
اجمل الموضـوع ولا جـزه = ما يجي في وافـي نقصانـي
قد عظم الصـدق ولا حـزه = والله إنه ما يعـوق اللسانـي
أطعن برمح القـدى و أهـزه = مانـي بوجـل ولا بحلانـي
أمدح من تلجى له المعـوزة = للعطـاء والجـاه والحقانـي
كل من عنى رجـاه وكـزة = نحر بحر السخـى حثلانـي
معوزيـن النـاس والمبتـزة = ما ذكر عود منهـم ندمانـي
للصياني فـي مضافـه لـزه = وكل عام عـام نحـر قانـي
سبب أمزمة في الغنم والمزة = وأعلى في سوق البل القعداني
يا رسولي هاك جوخه خـزة = إكسها ذرب النبأ السلطانـي
واكسه المشلـح نبيـه بـزه = وزرية خيوط الذهب الألماني
وقلـه لاشفـت لعديـم فـزة = يحضر في فكري اكحيلانـي