مع البدر

::


حسايف








التفت ...

وتوها ... توها ما اختفت ...

ماكساها الليل ... باللون الحزين ...

التفت ... وتعالت صرخته ...

في نظرته ...

صاح ... لكن بالنظر ...

وانكسر .... شوفه عثر ...


حسايف .. تذبل الضحكه وهى بين الشفايف ..


تذبل الفرحه وتضيع ...

ويصبح الكون الوسيع ...

مايكفي خطوتين .. لاكساه الليل باللون الحزين ..


يوم مدلها يده ..

كانت الرجفه لقا ..

ودعت فيها الشقا ..

وتركت بين الاصابع ..

عطــرهــا ..

وعمرها ... ما جت على وقت الوعد ...

إلا ذاك اليوم ...

و عمرها ... ما بكت .. و ما ضحكت ...

ما حكت له .. واسكتت

مثل ذاك اليوم ...

كانت أجمل من خياله ... كانت انضر ...

كانت أكثر ... من أماني عمره الظامي حنين ..

و اختفت ... من كساها الليل باللون الحزين


اختفت في الطريق اللي معه ...

كانت تجيه ...

كيف دربٍ جمعه معها ... خذاه ...

ليتها اختارت سواه ...

تزرع القرقا لياليها ... عليه ...

وحسايف ... حسايف ...



::

 

 

(( مرتني الدنيا ))


مرتني الدنيا .. بتسأل عن خبر ..
مابه جديد ..
عشاق ليلة تفارقوا ..
وصاروا بعيد ..
لا طاحت نجوم السما .. ولا تاه في الظلما قمر ..
لا تاقف الدنيا .. وتسأل عن خبر ..
مابه جديد ..
اسهل من الكذبة .. على شف الطفل ..
فرقى الأحبه يا هوى ..
أحلى من الحلم اللي ودي لو كمل ..
كانت ليالينا سوى ..
لا طاحت نجوم السما .. ولا تاه في الظلما قمر ..
لا تاقف الدنيا وتسأل عن خبر ..
مابه جديد ..
لا تاقف الدنيا .. على أول طريق ..
فرقى الأحبه يا هوى ..
لا تسأل جروحي متى خان الرفيق ..
عهد المحبه والهوى
لا طاحت نجوم السما .. ولا تاه في الظلما قمر ..
لا تاقف الدنيا وتسأل عن خبر ..
مابه جديد ..