قصائد الشاعره عيده العروي الجهني (وحيدة السعودية)

.

*****

( ضاع الهوى )

أضْحك وقلبي دالـهٍ عقـب فرقـاك =وتَضْحك وقلبك دالهٍ عقـب فرقـاي
ماكنْت أظنْ بيـوم أقـدر وأنسـاك = وأحرق رسايلك الحبيبـه بيمنـاي
يوم الزّمان المرْ عن دربي أقصـاك = أرسلت لك مع داجي اللّيل نجـواي
تمشي وجعل الخير كلّـه بممشـاك = وأمشي وجعل الخير كلّه بممشـاي
ماجِبت لي طريا ولا جِبـت طريـاك = طرياك تجرحني وتجرحك طريـاي
وياكبـر همّـك ياحبيبـي وبلـواك = إن كنت ترجيني مثل ما أنت رجواي
طابت نفوس إعداي ياشوق وإعداك = يـوم افترقنـا قلـت لله شكـواي
بالحبْ ممشانا على ضيم وأشـواك = وماكان ودّك تدعس الشّوك ويّـاي
ياما جبرت النّفس بالهون لرضـاك = وأنت إزْعلي عِنْدَكْ كما شُربة الماي
واليـوم ماكِنّـي تمنّيـت لقـيـاك = وإنتـه ولاكنّـك تمنّيـت لقـيـاي
ضاع الهـوى مابيـن ذولا وذولاك = والله بحبّك يجبر إعزاك وإعـزاي

*****