آســـــــفه ..!

أعترف لك كان يكفي الاعتراف
واعتذر لك كان يكفيك العذر
في ليالي الشوق حسيت اختلاف
مرت الساعه على روحي شهر
افترشت الهم والضيقة لحاف
فاض بي بركان حبك وانفجر
لاتلوم اللي دخل قلبك وشاف
حب ماشافه بهالدنيا بشر


...........................

ياعمري الدنيا ماتسوى تنام وخاطرك زعلان..
ولا شي يستاهل يخلي قلبك يعاني..
*طلبتك كان لي خاطر تبعد عنك الأحزان..
فديت أعيونك الحلوة تيسم لو على شاني..
*حبيبي صارلي مدة أشوفك تايه وحيران..
وأنا لاشفتك حزين تزود أحزاني..
*أناأحبك ولاودي تعيش بدنيتك ندمان..
ترى الأيام محسوبة وتالي هالعمر فاني..
*تصدق بسمتك والله تفرح خاطري الولهان..
بطير من الفرح ياقلبي وأصير بعالم ثاني..
*والى من شفتك بضيقة أحس أني أنا الغلطان..
أعاتب نفسي بنفسي ولو ماكنت أنا الجاني..
*غلاتك بداخل أعروقي ولايوصل غلاك أنسان..
يمر الوقت ويثبت لك غلاتك أن الله أحياني..
*أضحي بعمري لعيونك تنام أنته وأنا سهران..
وأنادي جروحك لقلبي تجي واحد ورى الثاني


...........................


قلت العذر منك يامـلاك الاحسـاس



مايكفيني صعب اشوف الزعل بعيونك


ارضيك لو الرضي يزعل كل النـاس


ماعليك ماهمني كلام الناس لايهمونك


يكفيك روعة انك غالية مثل الالماس


كل الناس حولك يبغـون يرضونـك


الغلاء للغالي ثمـن يرفـع الـراس


لو تزعل العالم كله بالرضي يجونـك


اعتذر والعذر لاهل الطيـب نومـاس


اقبل اعتذاري ياجعل كل الناس يفدونك


...........................



صار الخطاء وشلون ما هو بيدي
لحظة غضب نفقد بها أعز انسان
عزيت نفسي كنت احسبه تحـدي
ولا دريت انـك بطيبـك تحـدان
صحيح انا يمكن تعديـت حـدي
واسرفت بالغلطات وكان الذي كان
وشلون ابنسى من خذا كـل ودي
واقفى وخلاني على حد الاحـزان
دمعي مكانه بعدكم فـوق خـدي
شفقان قربك ياهوى البال شفقان
صار الحزن مابين جزر ومـدي
مرات ارده واكثر الوقت يقـوان
ردي علي ارجـوك يابنـت ردي
لا تتركيني في متاهات الازمـان
اول معي بالشوق واليوم ضـدي
بديت بالمكسب وعودت خسـران
امدلـك قلبـي واشيلـة بيـدي
يفداك قلب من سبايبـك ينهـان
دامك سحابه في سمايـا تعـدي
لا تبخلي بالماء وانا حيل عطشان

 

 

جرح ودمعة
الم وحسرة
وطيف لايقتل الذكرى
لحظات حزن وقلب توقف نبضه
وزمن نحر كل معاني البسمة
مضت اللحظات والايام والسنين
مضت الشمس نحو المغيب
هاجرت الطيور
والسفن عادت للمرسى
هذه ليلتي
رؤية مبددة
وأوراق مبعثرة
والم الفراق
فكيف أذوب أحزاني
وكيف أقطع المسافات
وكيف اعبر المحيطات
وأنتم بعيدون عني
حين يغيب القمر أشتاق اليكم
وحين تشرق الشمس احن للقياكم
وحين يهطل المطر أتألم لفراقكم
وحين اذرف الدمع تكون لكم
وحين ألتزم الصمت أفكر فيكم
وحين اهرب من نفسي الجأ اليكم
مااصعب الهجران
هولهب يخلف الرماد
أوقفني شبح غيابكم
ليرى دموع تمنيت حبسها
أقبلت أوجاع المشاعر بين عصرات الحنين
وعند ذكرى القاء ولحظة الوداع زمن
يغطي فيه مسامات الحياة
ويظهر الانكسار
ويبقى جرح نازف وحب لايموت

 

 

.

*****

الطرح الجيد يفرض نفسه

شكرا عذبة الساحات ونأمل في المزيد

*****