سمو الأمير
مشاري بن سعود
بن عبدالعزيز
ال السعود
ـــــــــــــــــ
ـــــــــــــــ
يالله يارحمن/ يارب البشر/ ياذا الجلال
.................. يامنبتن نبت الديار/ الممحله لو مات عود
ياللي له الحمد/ وله الشكر/ وعليه الاتكال
.................. ياموجدن كل الوجود/ وكل شيئاً في الوجود
اعيادنا /وافراحنا/ زادت وضاق بها المجال
.................. واستاثرت كل الروابي من فرحها بالورود
الليله الدنيا يشعشع نورها من كل جال
.................. في حضرة الزيزوم/ قايدنا مشاري بن سعود
قالو مشاري بن سعود وقلت لله الكمال
.................. راعي العلوم الغانمه /والجود من جوده يجود
يامرحبا هيل/ وعداد السيل/ يــ/اعز الرجال
.................. فــ/الباحه اللي من حدودك ماتضيق بها الحدود
يامرحبا/ يامرحبا/ كلمه ترددها الطوال
.................. ويرجع صداها من فيافي نجد واطراف النفود
اميرنا /واميننا/ ونعم ووقفاته ثقال
.................. امانته/ وامارته /ماهي بمحتاجه شهود
ياميرنا فيك الطموح وفيك شيئًا مايقال
.................. تعجز قصايدنا عن اوصافك وميزانك يزود
من لايعدك راس للمكسب ومكسب راس مال
.................. هذا نسميه الجحود ابن الجحود ابن الجحود
كفو /الين الشمس تشرق يامشاري من من شمال
.................. كفو الين المجد يحشد عند بيبانك حشود
ترقى سنود/ بهمتك ياسيدي فوق الخيال
.................. لو طاح نجم المشتري ياسيدي/ ترقى سنود
في وقفتك تفخرجبال من الجبال على الجبال
.................. ومن هيبتك يتقيد الغاوين باصفاد وقيود
الحلم حلمك والوفا والمرجله في كل حال
.................. والطيب طيبك ورثك الموروث من عهد الجدود
الامر لك ياسيدي/ وحنا علينا الامتثال
.................. امر وتلقى لك/ حشــودً ماينقدها نقود
ولايثمن وقفتك /كل الجزال من الجزال
................... يكفي بانك من ولد /عبدالعزيز ابن سعود
ياسيدي غامد/ مع زهران /قوم الاعتدال
.................. ميقافنا دون الوطن حامي /ولافيه البرود
حنا مغاويرالوطن ياسيدي /واكبر مثال
.................. ان الطفل بديارنا يحفظ تقاليد الجنود
في منطقتنا 1000قريه/ و1000وادي/ والسؤال
.................. من غيرك اللي يعتني فيها ويعطيها الجهود
من غيرك اللي يكفي الرحال شر الارتحال
.................. يكمل مشاريع الشوارع /والمدارس/ والسدود
ياسيدي والغيمه اللي تدّرج فوق الرمال
.................. هذي مزونك /من يمينك/ قبلها برق/ ورعود
ياسيدي هذا الوطن يعني لنا ظل وظلال
.................. من عهد ابو تركي على القران وفيّنا العهود
دستورنا / حكامنا /واوطاننا شيئاً محال
.................. نموت دون اوطاننا/ مايضحك حجاج الحقود
ياميرنا والحب لك والامر لك في كل حال
.................. حنا لبو متعب وامير المنطقه حنا جنود
يزول جيل وكل هالدنيا زوالً في زوال
.................. وتبقى بلادي شامخه في/ مملكة ال السعود
ــــــــ
ـــــــ
وتقبلوا تحيتي
اهداءات ساحات وادي العلي
01-23-2011, 02:49 PM
العرض الشجري