انفاس اللهب

**التوقيت** · 06-15-2011, 08:01 AM

يااااارب
/
/
يارب .. هالدنيا بها تبدي نواوير/ وتغيب
..............................مره تزِف اسرابها صوبي/ ومره تحتجب

شاعرويسبقني الشعر/ ويهزهز الغصن الرطيب
.............................تتلون جروحي/ من الالوان ..الوان الرطب

عيني يغازلها الكرى/ لكن ابد ماتستجيب
.........................وش لون تهجع واعذب الاحلام/ يشربها الهدب

مابين يأسي/ والجروح/ وسطوة الليل الكئيب
......................صارت ضلوعي من حطب/ ياحظ من هو يحتطب

اساير الدنيا ولايعجبني احساس المريب
........................واكتب على وجه( السنين العوج) بانفاس اللهب

ماني خويك يـالندم /ولا انت عذري يـالنصيب
.......................................ولاعاد تطريني ببالك ياخطااااي المُرتكب

ولاني مدور لك بِرا / ولا معرِضّك الطبيب
.......................................لو تشتكي /في كل ليله يالضمير الملتهب

خلك كذا /يمكن من جروحك في اعماقي تشيب
.................................وتصير( صوره من بياض)/ تزين اعماق الكتب

كم هاجس ٍ يقول لي/ ضيعت دربك ياغريب
.........................................وانا اقول المغترب/ يحيا ويفنى مغترب

الغربه غربة روح تسبح داخل الصمت الرهيب
..................................ماهي بغربة اهل / واوطان /ومفارق من تحب

لو يستقيم الحظ /ماخفت موازين اللبيب
...............................................ولا يـُـقلّد للسيوف/ الاقلايد من ذهب

ويلقى كريم الوجه من إسمه / ومن فعله نصيب
........................................وابو لهب /حظه لهب/ من نار حمالة حطب

ناسً تغمض للهدف/ والي يغمض مايصيب
..............................................لكن! على نيشانها/ ياتي هدفها ينصلب

واحلى المشاعر ماتثنى/ تنحسب لاول حبيب
........................................اول لقا/ واول طرب / واول رجا/ واول عتب

عزي لقلبً/ عزته في كل خير وكل طيب
.......................................وصل غدير الماء/ وهوعطشان/ لكن ماشرب !!

حبه يورثه العنا/ والياس/ والجرح العطيب
..........................................حبً من اجله كم بكى (قيس الملوّح) وانتحب

حتى الهوى ! خان السكوت /وصار مضماره رحيب
.........................................له بايع /وله مشتري/ والعرض زاد عن الطلب

دنيا ! تقلّب لوطلبناها/ ابد ماتستجيب
.................................................. اخر موانيها شقا ..واصدق امانيها كذب

ولكم تحيتي

سليمان الشدوي

**التوقيت** · 06-21-2011, 01:46 AM

الأستاذ سليمان الشدوي يعطيك العافيه
قصيده رائعه من إنسان رائع تقبل مروري
ودمت بوووود0

**التوقيت** · 06-21-2011, 09:37 PM

اساير الدنيا ولايعجبني احساس المريب
........................واكتب على وجه( السنين العوج) بانفاس اللهب

يا سلام عليك يا سليمان وعساك سالم من جور المشاعر وانفاس اللهب تقبل اعجابي واحترامي لما تطرح 0 تحياتي 00

**التوقيت** · 07-05-2011, 10:26 PM

شاعرويسبقني الشعر/ ويهزهز الغصن الرطيب
.............................تتلون جروحي/ من الالوان ..الوان الرطب

صدقت وسلت الأنامل

الذين يشاهدون محتوى الموضوع الآن : 1 ( الأعضاء 0 والزوار 1)

اهداءات ساحات وادي العلي