الهنوف

الهنوف اللي سرت من نجد وامست بالحويه
ضيقت صدر الرياض وسافر الطايف وجاها

وانثنى غيم الحجاز...وخـد نجـد النرجسيـه
يوم جاته من زعلها كنـها تقصـر خطاهـا

زعلوها وازعلت واخلت قصـور الفاخريـه
والحقتني شرهة الزعلان واخطاني رضاها

سافرت... والله ماخبر.... اللـي يزعلهـا عليـه
واستباحت... يالله الخيره سهر عينـي وماهـا!!!!!!

ليتها... يوم... استباحت دمعـة العيـن الشقيـه
استباحت... دم قلبي.... من خلاهـا فـي خلاهـا

سامح الله... ظلمها وطعونها الخضـر النديـه
والله يسامح... خناجرها.... ويعفو عـن خطاهـا

عرضتني للهبايـب والظمـا والمهمهيـه!
وتركتني للزعل والشوق والكبـر وغلاهـا !

الغـلا ماهـو فـي يديهـا! .... ولاهو فـي يديـه
الغلا شي(ن) من الله... واشهد ان الله عطاهـا ....!

ومن غلاها؟ لو توردني على حـوض المنيـه !
كنها تسقيني الشهـد المصفـى مـن شفاهـا !!

ومن حلاها ما توصفها الحـروف الابجديـه !
كيف توصف وردة(ن)يبري من العله شذاها !

الورود تغـار منهـا مزهريـه مزهريـه
وان تباهت عذرها معها يحق لهـا تباهـا !

مـا يشابههـا شبيـه... ولا يحاليهـا حليـه
جل رب (ن) يوم صورها ..........فرقها عن سواها

لا اقبلت هيجنت ..... ولا اقفت جذبت السامريـه !
وا عذابي ان عطتنـي وجههـا والا قفاهـا !!

ان بدا لي وجهها يشبـه صبـاح اليوسفيـه
وان غشتني نفحة(ن) من ليلها يسعد لي مساها

درة(ن) ... بالمـوت محروسـه...... والبحـر محميـه !
البحر من دونها ..... والموت الاحمر من وراها

دونها ما اغليت؟ ...... واسمح لي ولا شداد المطيـه!
مرخص(ن) بالقاع عمري.... والثريا فـي سماهـا

لايمي ؟ ..... يبلى بحب الحضر في عيون بدويـه !
في ظروف(ن) ما يقـارن مستـواه بمستواهـا

الله اقوى يافقير القلب ابو نفس (ن) غنيـه
مالك الا الصبر والجنه لقاها مـن لقاهـا

والهوى؟ اللي يطرح الرجال في يدين أجنبيه
علـة(ن) .. بالجـوف لا تبـرى ......... ولا يلقـى دواهـا !

والهنوف ؟ .... اللي رضت بالثار تاخذها الحميـه
شفتها بالعين في قلبي وهي تاخـذ قضاهـا

وشفتها تشتاق ...تطعني..... بـلا ذنـب وخطيـه
كثر ؟ ما تشتاق لاعماقي..... وانا اشتـاق لدفاهـا !

كل ما ؟ عرقـت بنسمهـا تحريـت لخويـه
والحقت الميسم بميسم كـذا علـى عماهـا

عاقبتنـي كـل يـوم تلحـق الكيـه بكيـه
واتعبتني وادركتني والحقت نفسـي مداهـا

وان تمادت؟؟؟ جهزو قبري..... وانا ابكتب وصيـه
ابكتب ...... الله لا يعاقبها ويرضـى لـي علهـا !!!!!!

العمـار تلفـه الايـام والدنـيـا مـديـه
والسنين تلف بي والنار تحرق من وطاهـا

علموها؟ تلحق الباقي ......مـادام الشمـس حيـه !
..و ..تغانم ما بقـى منـي ومـا تطلـب فداهـا

لاتمـادى فـي جفاهـا..... والريـاح الموسميـه ؟
ما تقدر ...... وقفت الاشجـار وتثمـن عطاهـا !

علموها ؟ ما بقى لـي غيـر...... ادن... الهاشميـه
كان ترضاها علي ؟ ...... والا تهون عـن جفاهـا !

وانصحوها ؟ لا تحمل نفسهـا..... نفـس بريـه !
وذكروهـا ؟ .... بالقبـر لاعلهـا والا عسـاهـا !

وعلموهـا ؟ علموهـا ؟ ..... لاتطـول بالحـويـه !
ديرت(ن)ماهي بديرتها لو اعجبهـا هواهـا !!


ضيدان بن قضعان

 

 

الله ما اروعك وما احسن اختياراتك التي بها تنبش في ما تختزنه المشاعر واسال الله ان يمنعني من مناوشاتك وحسن تقبلي 0 وتوقفي عند الاعجاب بما تختار وان كان جدي حميد المحضري رحمه الله 0 يقول 0

انا لو اشوى صفتي يزرو عليه 000 للمحبه اهبط السوق
ما ردني عنها سيوف ولا مشاعيب

تعجبني في انتقاء ما تقدمه وامانة النقل 00

 

 

.

*****

حسن الاختيار صفة من صفاتك أخي الكريم سعيد

وكما قال ابو صالح " الله ما اروعك وما احسن اختياراتك التي بها تنبش في ما تختزنه المشاعر "

لك مني كل تحية وتقدير

*****

 

 

المشاركة الأصلية كتبت بواسطة نايف بن عوضه

الله ما اروعك وما احسن اختياراتك التي بها تنبش في ما تختزنه المشاعر واسال الله ان يمنعني من مناوشاتك وحسن تقبلي 0 وتوقفي عند الاعجاب بما تختار وان كان جدي حميد المحضري رحمه الله 0 يقول 0

انا لو اشوى صفتي يزرو عليه 000 للمحبه اهبط السوق
ما ردني عنها سيوف ولا مشاعيب

تعجبني في انتقاء ما تقدمه وامانة النقل 00

الله يسعدك ويبارك فيك

مرورك على مشاركاتي وتعليقاتك ومشاكستك تشرفني يا بو صالح

دمت ودام عزك ولا عدمناك

 

 

المشاركة الأصلية كتبت بواسطة عبدالرحيم بن قسقس

.

*****

حسن الاختيار صفة من صفاتك أخي الكريم سعيد

وكما قال ابو صالح " الله ما اروعك وما احسن اختياراتك التي بها تنبش في ما تختزنه المشاعر "

لك مني كل تحية وتقدير

*****

اشكرك اخي عبدالرحيم

ومرورك وشهادتك تشرفني حفظك الله من كل سوء