نبض القوافي ..

نبض القوافي ..
نبض القوافي .. أجمل الشعر النبطي

الشاعر المبدع : عبد الله العليوي رحمه الله ، من مواليد عنيزة وشعرائها المميزين ، توفي في العام 1424هـ . شاعرٌ وقاصّ وأستاذ ، انصاعت له الكلمات فساقها في أجمل العبارات : شعرا طرّز به حوافي عنيزة وعطّر به ارجاءها . قصائده بوح عاشق امتلك قلبا خافقا بكلّ أنواع المشاعر . وهذه إحدى خفقاته الحزينة :

مدري متى صارت جروحي تسليك = عقب الوفا وشلون غرّتك دنياك
يامن علي اليوم كثرت طواريك = نهاية الغدّار ما اظن تخفاك
فى حبك الثاني عسى الله يهنيك = وحنا مع الايام ندله وننساك
غالي الدموع ارخصتها لك وانا ارجيك = ابني لك بدمعي وتهدم بيمناك
كنت الرجا واليوم خاب الرجا فيك = ارخصت ماضينا وغيرت مبداك
وين الحنان اللي مقرّه موانيك = وين الضمير اللي عن الغدر ينهاك
يكفينِ ما قاسيت منك وتغليك = ما أنته على قلبي وصيٍّ ومّلاك

 

 

.

*****

شكرا أبا علي على حسن الاختيار

رائعة من روائع الشاعر المبدع عبد الله العليوي رحمه الله

لك خالص تحياتي وتقديري

*****

 

 

التالية لمبدع القصيد وأشعر الشعراء وأستاذ القوافي مساعد الرشيد ، وما ادراك ما مساعد الرشيد
شاعرٌ خارجٌ على المألوف ، شعره حكاية الرمش للرمش والعطر للعطر والعقد للعقد ، حكاية الرمل للنخيل والصقر للصيد والليل للسمر . شاعرٌ أمسك بزمام الفنّ ففازت الكلمات في شعره بمدلولها الواسع وأخذت أهميتها وشأنها .
وما قصيدة العنود التالية إلا إحدى روائعه الفنيّة فإليكموها كاملة :

العنود اللي مسا البارح وانا سيّد سهرها ==== اقبلت مثل البياض ودّعتْْ مثلْ ابرديّه


المسا ضجّ بسوالف عطرها واشعل سفرها ==== والعروق اللي روت مسيارها خضرْ ونديّه


مانشدت اخت المهاه ليامتى حزة خدرها ==== حدّ علمي يوم امدّ لجيدها شرهة يديّه


عقدها المغرور تاه بعطرها والا نحرها ==== ساعة اشره عليه وساعتن يشره عليّه


كل مالدّت على البال والعقد يخزرها ==== قلت انا ماني خوي عادته ينسى خويّه


ليتها تدري وعقد الماس لويدري عذرها ==== اشهد ان الجمره اللي فالحشا مني وفيّه


من سرت يمّي وانا مالي خيار الا قدرها ==== كنّها كلّ السنين المقبله والاوليّه


من غدت همّي وانا مالي ديار الا ديَرْها ==== جالها بين الظلوع الظاميه روحه وجيّه


جادلن كل الدروب المعشبه تنبت بثرها ==== جت تبي جرحْ وقصيدْ وخلت الثنتين ليّه


من يحدثني حديث الثلج للجمر بثغرها ==== والله انّي كنت ناوي لذاك الجمر نيّه


من نشد هاك الوساع الخرس عن دنيا حورها ==== وش جمع سحر الغموض بسودها والنرجسيّه


الوكاد اني بشطّ الكحل غنيت البحرها ==== ماحلا هوسة هدبها والمساء والسامريّه


من يعلم مستريح الريح عن فوضى شعرها ==== الحرير اللي كسى هاك المتون العسجديّه


علموه ان مازح الغرى ونشد عن قمرها ==== لايخاف ان شاف ظلما وشاف الشمس حيّه

 

 

المشاركة الأصلية كتبت بواسطة أحمد بن قسقس

من يعلم مستريح الريح عن فوضى شعرها ==== الحرير اللي كسى هاك المتون العسجديّه

تصوير رائع واختيار أروع

احمد بن قسقس ... تقبل مروري على صفحتك الزمرّدية

 

 

المشاركة الأصلية كتبت بواسطة أحمد بن قسقس

وين الحنان اللي مقرّه موانيك = وين الضمير اللي عن الغدر ينهاك
يكفينِ ما قاسيت منك وتغليك = ما أنته على قلبي وصيٍّ ومّلاك

إختيار راقي .. كرقي فكرك

أحمد بن قسقس

سلمت أناملك على ما سطرت

دمت بخير

 

 

المشاركة الأصلية كتبت بواسطة عبدالرحيم بن قسقس

.

*****

شكرا أبا علي على حسن الاختيار

رائعة من روائع الشاعر المبدع عبد الله العليوي رحمه الله

لك خالص تحياتي وتقديري

*****

والشكر لك على هذه الوقفة الكريمة
الأروع من القصيدة مرورك السابق لكل مرور ، دمت بخير وصحة

 

 

المشاركة الأصلية كتبت بواسطة صالح بن سعيد

تصوير رائع واختيار أروع

احمد بن قسقس ... تقبل مروري على صفحتك الزمرّدية

صالح بن سعيد
حيّاك الله ، حضورك هنا زادني شرفا ومنح موضوعي ألقا جديدا

 

 

المشاركة الأصلية كتبت بواسطة إبن القرية

إختيار راقي .. كرقي فكرك

أحمد بن قسقس

سلمت أناملك على ما سطرت

دمت بخير

ابن القرية
ابن القرية : قلمٌ يفيض بالخير لك منّي كلّ الحبّ والتقدير

 

 

بدر بن عبد المحسن
شاعرٌ لا يُتحدّى في إبداعه ولا يُقارن ، قصائده تزخر بأجمل أساليب البيان وأطايبه وأحلى أنواع المعاني وأصدقها .
وهذه القصيدة إحدى أجمل قصائد بدر بن عبد المحسن ، قصيدةٌ حافلة بالصور الجميلة غزلتها ريشة الشاعر بدر على تأثر مباشر بالطبيعة البدوية :

يا بنت أنا للشمس في جلدي احروق
وعـلى سموم القيظ تزهر حياتي

أطرد سراب اللال في مرتع النوق
ومن الظمـا يجرح لسـاني لهـاتي


عاري جسد والليل هتّان وبروق
دفـاي أنا والبرد سـمل العبـاتي

إن عذربوني بعض خلانك صدوق
يا بنت انا عشق الخلا من صفاتي


أنا ابدوي .. ثوبي على المتن مشقوق
ومثل الجبال السمر صبري ثباتي

ومثل النخيل اخلقت انا و هامتي فوق
ما اعتدت أنا احني قامتي إلا فصلاتي


وإلى إفتـخر بأفعـال يمناه مخلوق
يا بنت انا فعـلي شـهوده عداتي

الله خلقني وكلمـة الـحق بـوفوق
وملكت الأرض وراس مالي عاصاتي

 

 

وإلى عملاق الكلمة الشاعرية ومع حسّ الطبيعة وأجمل العبارات والكلمات إلى الشاعر الأمير :
خالد الفيصل
في قصيدة كم تغنينا بكلماتها وردّدنا لحنها وسرحنا مع معانيها وتمليّنا من مشاعرها :


فز الخفوق وقلت يالله عسـى خيـر...............وأثر الليالـى عـاد غايـب قمرهـا

***
ياصبح عمرى يا صبـاح التباشيـر...............نوره ملا قلبلـى وروحـى غمرهـا

عقب الفراق اللى تعـدى المحاذيـر...............يبس غصون القلب جافـى دهرهـا

***
يانـاس أحبـه والمحبـه مقـاديـر ...............هذا هوى نفسـى وهـذا ... قدرهـا

والحب ماله يا هـل الحـب تفسيـر ...............قلبيـن والله بالمحبـه .... غمرهـا

***
لاجيت أصور حالة الحـب تصويـر...............وأرد عـن حالـى لخلـى خبرهـا

لقيت وجـدى فـوق كـل التعابيـر .................كل الشعر قطـرة وروحـى بحرهـا

***
مع شوفتـه نشـوه وفـزة وتخديـر ................وعيون خلانـن تعانـق ... نظرهـا

يفز له قلبـى كمـا نزعـة الطيـر ...................والرجل كن اللى تحتها ... غدرهـا

***
ربع بروحى عقب ماهـى معاصيـر.................سحابـةٍ هلـت بقلبـى ... مطرهـا

وأسقى بها زرعـة هوانـا بتقديـر .................غرسة غـرامٍ بالمحبـة ... بذرهـا

ياعاذليـن القلـب والله مخاسـيـر ..................واللى درى عن حال عينى ..عذرها