{سجل حضورك ببيت شعر للشاعر الذي تحب } ~~ ...!!

السلام عليڪم ورحمة اللـہ وبرڪاتـہ
شلونڪم؟ عساڪم بخير؟ ..

الموضوع باين من عنوانـہ! ..
ڪل عضو يدخل ويسجل حضورهـ المتميز باسم شاعرهـ المفضل .. وبيت شعر للشاعر
سواء أڪان الشاعر رجلاً أم إمرآهـ قديم أو معاصر ..
ببدأ أنا أسجل حضوري ..

>> الشاعر فهد مساعد

كـل مـا بغيـت أقـول أحبـك تلعثمـت *** حتـى وأنـا أحلـم فيـك كنـت أتلعـثـم

بإنتظار مشارڪتڪم يا أعضاء ..
وأتمنى الموضوع نال على إعجابڪم ..

::

وٍديُ وتقـُديريُ

 

 

النورس
يسلموو على الموضوع الحلوو

اغليه .. يعني اعشقه .. اعشقه .. يعني اموت فيه
يعني انا ميت مع عشقه ومرتبة الشرف

امشي معه من غير لا أين .. ولا كيف وليه
من حيث ما يجرفني .. اغمض عيوني و انجرف

إن قال: لا .. أقول: لا .. إن قال: إيه .. أقول : إيه
ماعرف ماسمع ما أرى .. ما أرى ماسمع ماعرف

 

 

عذبة الساحات رائع ماسطرتي والاروع مرورك .... كوني متواجده لاعدمناك

تكفى واليا قلت :تكفى بيع خلق الله عشاني *** لاتضيّع من يديني فرصة العمر الوحيده

يعلم الله شفت منك ومن غيابك ماكفاني *** كان ماتقدر تخفف هم قلبي !! لاتزيده

شف غيابك وش يسوي بالصدور وبالمباني *** وأنت تدري كيف كانت صدمة غيابك شديده

والله أنك لو وصلت البيت متأخر ثواني *** مالقيت إلا بقايا من حصاه ومن حديده


الاعضاء نايمين

 

 

يا اللي غيابك طال وبحقي اخطيت
هذا شهر ماشوف للوصل نيه ؟؟

هن كانت اسبوعين لكن تماديت
في غيبتك كنك موصي وصيه؟!!

لعبت بأعصابي ولا قلت مليت ؟
ولا راح يوم .. اقول باكر مجيه

الله ياني في غيابك تحريت
اثر المفارق صعب ماهو شويه

عقبك مشاويري من البيت .. للبيت
اخاف لا دقيت ماني هنيه !!

عانيت انا في غيابك حيل عانيت
يا بغضني للبعد يارحم حيه

هذا شهر وش عاد لو انك ابطيت
والله ان تلقى لك هنيا ضحيه

البارحه مابين يمكن ويا ليت
وابليس يتركني ويرجع عليّه

فكرت .. لو طول غيابك ولا جيت
يعني كذا .. روحه ومن غير جيه

خانتني الدمعه .. وطاحت .. وصديت
ملعون ابو التفكير ..يذبح خويه

 

 

تعبت أنزف جراحي حبر و أدور للألم أسباب

لجل أكتب شعر يحكي بعض أصغر معاناتي

قفلت من الأسى بابي وسجنت الكون خلف الباب

وعصتني دمعةٍ فيها سؤال لكل اجاباتي

ملل أخبار حسّادي أحد صادق وأحد كذاب

و أحد ما طال تجريحي و أحد عايش لزلاتي

أنا شاعر رغم أنف الحسد والحقد والأحباب

وانا ياحاسدي المسكين بعيد العيب عن iiذاتي


أنا ما زادني شعري ولا زادتني الألقاب

تجي دنياي أو تدبر عزيز فـ كل حالاتي

أنا فرحي لمِن حولي وأيامي فدى الأصحاب

قصيدي بلسم المجروح ونبض الناس أبياتي

كسرني قلبي المكسور نادت دمعي الأهداب

تعبت أركض ولا أوصل ولاتوصلني غاياتي

أبي ذل ٍ يغطي الأرض لك يا رب ياوهّاب

وابي أحيا جبيني فوق ما تملكني رغباتي

من الدنيا أنا مابي سوى عفو العلي التواب

ويحسن خاتمة فعلي ويغفر لي ضلالاتي

أبملا العمر "بالتوبة" و "نوح" و "هود" و"الأحزاب"

متى كانت سنيني عمر انا عمري في ركعاتي

 

 

في كل قصة حب أحلام ومدينة

.. ليل ونخيل وهبوب

.. لكل قصة حب لو كانت حزينه

.. أجمل ألوان الغروب

.. ناظري ضيّ الحوانيت القديمه

.. ونقش أبواب البيوت

.. كلها شعر ومواعيدٍ قديمه

.. وصوت قلبـي اللي يموت .. وما يموت

.. لكل قصة حب عذال وحسود

.. ليه تخدعنا الأماني والليالي السود .. سود

.. إشعلي جمر العناد قربـي معاد أشوفك

.. لا يفرقنا السواد

.. ارسمي وجهي بكفوفك

.. ولا تجرّحنا عيون الليل وحروف النميمه

ولا يعذبنا السكوت

.. إن عطشنا أو شربنا الدمع ديمه

للهوى بنحيا ونموت

.. لكل قصة حب أشواك و ورود

.. وليه نصرخ من ألمها وكلها تنبت في عود

.. ناظري هذا قمرنا لو تغطيه الغيوم

.. وناظري هذا شجرنا ومهما تحرقه السموم

.. ولو تجرّحنا عيون الليل وحروف النميمه

.. ولو يعذّبنا السكوت

.. إن عطشنا أو شربنا الدمع ديمه

!! للهوى بنحيا ونموت

 

 

وجه المرايا
غاب القمر وانكسر وجه المرايا فيك.. والحزن نثر على وجهي شظاياها
والليل اصبح عذاب وحسرة وتشكيك… يرسم همومه واحاول اتحاشاها
حتى المدينة حزينه عينها تبكيك… ويبكيك قلبي وعيني نثرت ماها
ياغايب عن عيوني خاطري يطريك… في كل لحظة عيونك كيف بانساها
لو غبت ماغاب طيفك عني وطاريك.. كنك معي في خفايا الروح واقصاها
الله يصونك ويهنى بشوفتك غاليك.. وتقر عينه بشوفك ياهنياها
يامن سلب مهجتي هذا العنى يرضيك.. وغيبتك عنا صعيبة ماقويناها
ودي اجبر كسر وجه المرايا فيك.. واحضن همومي وابروزها بمراياها

تقبل مروري

 

 

لاصرت بايعني اشوفك على خير ... مع السلامه دام مابه سلامه

قلت انتهينه قلتلك خير يا طير .... ماني اول شخص يخسر غرامه

امحذرك من قبلها الف تحذير .... لعفتني بيعف قلبي هيامه

ماني بميت لا ولا احتاج تبرير....صح الله لسانك ووفر كلامه

بسمعك حبكه وفكره وتصور... وافهم عدل يامدعي بالفهامه

وجه الشعر ابيض ويحتاج تبرير ... ودي تزينها القصيده علامه

ماضيك الاسود بذكره دون تقصير ... كذا يكون بخد هالشعر شامه

يصدق معي تعبير ويخون تعبير ... ياضيعت الشاعر بوقت انسجامه

يمكن خطى دونك بالشعر مير....لو ماحترمتك للغرام احترامه

ماكان حبك غير بس طعنتك غير ... علمتني معنى الندم والندامه

ماجاك مني اي زله وتقصير .... كل ما خطيت اعاتبك ببتسامه

حسبي على الذكره اذا هبت عصير ....ماعاد تنفع شرهتي والملامه

البال ظامي وقتها والحزن بير ... خسرتك وهمي كسبت اهتمامه

ولين فازعلك كذا جاني مغير....ظلمتي واكثر طلمني ظلامه

لقبل علي اوحيت صوت المسايير .... وفزيت كل ظيف يقوم بمقامه

وليا عزم هالليل ضيقه وتفكير .. .قلي بربك كيف اقدر انمه

مافي داعي للعتب والمعاذير...الغدر خان الجرح واطيب عمامه

اما يجيب الله مطر تالي وخير .. ولا السلامه ماشي مامن سلامه

 

 

الـيـوم صـوتـي ينـاسـب لحـظـة الـفـرقـا *** كـانـك تبيـنـا نتـفـارق .. خـلّـهـا اللـيـلـه
مـن ينتظـره الشقـى .. لـو ينتظـر يشـقـى *** داالشقـا ينتظرنـي .. ليـه مااجـي لـه ؟!
ياقلبـي المنتظـر .. مكتـوب لــك تبـقـى . *** .محـروم حتـى مـن اللـي كنـت تشـكـي لــه
خــل المـراكـب تسـيـر ..و ودّع الـغـرقـا *** في موادع الحمْل .. راحـة مـن هـو يشيلـه
الـلـي يــدّور عـــذر لـفـراقـي .. بيـلـقـى *** يامن نويـت المفـارق .. قبـل تمشـي لـه ..
أرحـل مـن احلامـي اللـي قلـت لـك ترقـى *** ومن روحي اللي ماعاد اعرف من هي له !!
ومن دفترك .. وأرتباك خطوطه الزرقـا . *** .ومن كل ضحكه , ودمعـه .. فـي تفاصيلـه
أرحـل .. و خـذ ذكرياتـك معـك .. لاتبقـى *** ساعدنـي أرجـع لنفسـي كــان لــك حيـلـه
علمتـك الوصـل .. علمـنـي عـلـى الفـرقـا *** محتـاج لـي قلـب .. يشبـه قلبـك .. الليـلـه

 

 

ما بلل الهات
العطش يا اشهب اللال
ياكود غصة عبرة(ن) تخنق الجرح..!؟

اركض ورى
احلامي والاقيك يالفال..!؟
متمركي بـ حظي على جانب الضرح..!؟

قلت اكسر
الروتين واجرّ موااال..!؟
ماهو عشان اتميّز بـ فكرة الطرح..!.
لا والله الاّ
منك ياضيق الاحوال ..!؟
لا هزت ايدين العطش منكب السَرح..!؟

زرعت جرد
احلامي بـ طين الآمال..!؟
الين ما اورق في عناقيدي الترح..!؟

ياكثر الله
خير وقتي ليا مال ..!؟
كانه يعلّم ضيقتي وش هو الفَرح...!

يعني: ليا من
ضقت واعسرني الحال.!
تاسعني جروحي ولو ضاقت البرح ..!؟

ياوقت واللي
بدل ازوال بـ ازوال !.
يااني بنيت بخنجرك للتعب صرح ..!
ربيت جرحي
لين ماصار رجال
وش عاد لوّه مات رجال من جرح ..!؟





الرائـــ ع مـحـــمــد بـــن ســاقـــان القحطاني