وين أنت عن صوت الخفوق . ونحيبه

مدخل :
يقول عينك . حزنها يرسم : الياس .!
...... ياصاحبي صاحبك ماظن له / طب .!!
فيني شتات اشواق مع ضجه : احساس .!
....... لاكن ، قسم بـ . الله ما ادري من / احب .؟!

عليك صبري ياحزن كل : ماهمت .!
مع الخيال وكل ذكرى / قريبه .!!

والموت . لامن حار دمع : وتبسمت .!
يطغي علي العز وتصيح / هيبه .!!

ودنقت ثم افقد شعوري : وسلمت .!
لـ . الدمع حالي لين يبطي / صبيبه .!!

ياصاحبي قبل الحكي لو : تلعثمت .!
ضاقت صدور اهل الصدور / الرحيبه .!!

وش ينفعك عقب البطاء : لاتندمت .!
وين انت ؟ عن صوتالخفوق / ونحيبه .؟؟

كم لي انادي لك ولاكن : تفهمت .!
ماكل شيِ خاطري به / يجيبه .!!

لاتعتذر لـ . الجرح والبعد : مادمت .!
فرطت في قلبِ تغشاك / طيبه .!!

صعب التفت وارجع ليا من : تقدمت .!
منت بـ : نصيب اللي رجا بك / نصيبه .!!

أسرفت في جرحي وانا : ماتكلمت .!
وقلت الخطا وارد وقلب / وحبيبه .!!

ماهي مصيبه ، لو خطيت : وتعلمت .!
تخطي . وترجع بـ : الخطاء ذي / مصيبه .!!

ولاهي غريبه ، أن جرحت : وتألمت .!
لاكن بـ : جرحي تبتسم ذي / غريبه .!!

واليوم ، مالي بـ . الهوى لو : تكرمت .!
وجرحي مع الايام بلقى / طبيبه .!!

خل المشاعر ترقد بـ عالم : الصمت .!
والحب ، بعد اللي حصل لا تحكي / به .!!

مخرج :
لا تحتري مني رساله : وميعاد .!
...... حتى لو انك جايب فيني / العيد .!!
خلنا كذا نشتاق لأننا : بعاد .!
...... ونعشق بعض لاكن ، من بعيد لـ / بعيد .!!

..راقت لي..

 

 

شكراً لك بصراحة إختيار رائع

حتى وأنا اقرأ الأبيات خطر على بالي بيتين مجاراة للشاعر فقط

ابيات راقت لي وفيها تأملت .. وذكّرتني أيام كانت عصيبة
ماعاد ينفع لو حكيت وتكلمت .. عزاي صبري فا الحياه العجيبة

 

 

اي احسآس يضجّ به ِهذآ المتصفّح
نص يعآنق موآطنَ الجمآل تلذذت به وادمنتُ سطوره ..~
ثملتُ ولمْ أكتفيِْ .. فسلمَ النّبض ..

ودي وموكبُ وردي ..

 

 

أخي الكريم عبدالله رمزي
سرني تواجدكـ .. سلم بنانكـ .. وصح منطوقكــ .. يعطيكـ العافيه .. دمت بخير

 

 

أخي الفاضل طارق بن سعيد آل شويل
مرورٌ عذب .. حروفٌ راقيه كرقي تواجدكـ .. دمت بخير