يا عيني على الخطوط السعودية

هذي القصه بذمه يقولون والله اعلم

أسمع السالفة



كان فيه رحلة طالعه من الرياض ورايحة لـ لندن. المهم... وكان أحد المسافرين (بريطاني) معه قفص فيه كلب. طبعاً مع الشنط. ويوم وصلوا لندن، إلا والله هالكلب فطس (مات يا عيني عليه)!!! وأبتلشوا طاقم الطيارة... عاد هم يعرفون أن الخواجات يحبون الكلاب أكثر من عيالهم ولا يبون يخلون سمعة الخطوط السعودية رديئة فـقرروا أنهم يقولون لصاحب الكلب: أن القفص نسوه بالرياض على بال ما يدبرون كلب زيه بالضبط... نفس الألوان ونفس الفصيلة.

بعد كم يوم أرسلوا لـ صاحب الكلب، وقالوا له تعال استلم كلبك. تفاجأ الرجال يوم شاف القفص وبوسطه الكلب؟؟؟ قال لهم: أنا كلبي مات بالرياض وجبته أدفنه هنا بـ لندن، كيف حيا!!



** ماشاء الله عليهم الخطوط السعودية خدماتهم فوق الوصف


ودمتم بخير

 

 

D كالعاده ما تغير شي

تذكرني يوم كنت مسافر للرياض وكان بالصف اللي جنبي بريطاني (من اللهجة واضح) ماسك طابور باللي جنبي ويوم وصل المسكين بعد طول انتظار قام الموظف من مكانه ورايح أخينا في الله ... البريطاني رد قال يوم وصلت عندك الآن قمت من مكانك طيب خلص طلبي وبعدين رح قال الموظف حان وقت الصلاة وبزعل D والصلاة مخلصة لها يمكن ربع ساعة رجع البريطاني يسب ويقول هذا هراء والمفروض هناك موظف آخر ينهي إجراءاتي الموظف هناك طابور آخر امسك فيه والطابور ياجماعة الخير والله كثير .