القرايه والإملاء

مايصرفون الذهب صرّافة العمله ؟
أحسب على كم نعم وأحسب على كم لا




وماكل من جره الطاري ننعـّـِم له
النعم مايرفع اللي سيرته خملا




قالو من الغُـفل ؟ ولا ّ أنـّـه اموسم له
يمكن من الغُفل لكنـّه موسـّم ..لا




فى الراس الأقرع تبيـّن لامشت قمله
ليت المواريد لا تروي ولاتملا




يامطوّح الدلو تكفى لازعبت امله
حولي عطاشا كثير ونصفهم ثملا




واللي يبي يحتمل شي ٍ مايحـّـتمله
تكفيه عن شلة الحمله بني حملا




جهه تبكـّيه والاخرى تبسـّم له
الشرق له غرب ..والمجـّناب له شـّـملا




فيبغى انتفاهم ؟ على ويش انتفاهم له ؟
مايدري ان العرب ماتقـّـتني الهملا؟




وأنا لو أندم خسارة ماتندم له
عسى القرايه تعوّضني عن الأملاء




حملت مالا ضهر يقدر على حمله
ورزيت لي عود بين اللين والصملا




ورسمت لي دايراتن غير مكتمله
والكامل الله عليه الجمل والجملا


http://youtu.be/j1Z-V-lrQpU

 

 

الله الله
قصيدة جزله رائعه
سلم الذووووق الرااقي .. يعطيكـ العافيه .. تقبل مروري