خلصت من جملة الخلان .. احسن لي اعيش وحـــــداني

خلصت من جملة الخلان /// للشاعر محمد الجنوبي

هذه قصيدة لشاعرنا المبدع ( محمد بن سعد الجنوبي )

خلصت من جملة الخلان .. احسن لي اعيش وحـــــداني
ماعاد اعاشر جميع انسان .. يكفي العذاب الذي جـــــاني
مادامت اللي هــويته خان .. اخشى اتورط مـــــــــع ثاني
هويت انا قايـــــــد الغزلان .. واهديت له قرة اعيـــــــــاني
هويتكم والمـــقدر كـــــان .. واليوم اشوفك تحـــــــــداني
حقيــقه انــي انا الغلطـان .. وش لي بشــــخص تنساني
عملت لـــه طيب واحسان .. وبالهـــــــــجر والغدر جازاني
لابد مــاأرجــــح المــــيزان .. واعطيه من حيث ماأعطاني

 

 

خذ هذي الأبيات معها يابن نايس

للشاعر / محمد فطيس

جيت المكان اللي جمعنا وخفيت

البارحة ربـي كتـب لـي ومريـت ..

..دربٍ عليه بـروق الأحبـاب لاحـت

جيت المكان اللـي جمعنـا وخفيـت ..

.. وقامت جروحي للجوارح وصاحـت

ياليتنـي فـي لفـة الـدرب زليـت ..

.. كان العيون مـن الدمـوع استباحـت

التم غيـم الدمـع مـن يـوم لفيـت ..

.. وورقا القصيد لشوفـة الغيـم ناحـت

وضحكت ماأبغي الناس تدري يبالفيت ..

.. لكنها غصبٍ علـى العيـن ساحـت

حارت دموعي في عيوني وصديـت ..

.. وأرمشت مابيهـا تبيـن .. وطاحـت

وعقبه برق في العين براق .. واسقيت ..

.. خـدي ووناتـي بصـدري تلاحـت

وأنا أحسب إني في فراقـه تشافيـت ..

.. وان عبرتي من مدخل الزاد زاحـت

اللي يحسب إني على البعـد سجيـت ..

.. والا ان عيونـي للرقـاد استباحـت

ياليتني مـن قبـل لا أحبـه اقفيـت ..

.. والا ان دروبي عن دروبـه تناحـت

أهون علـي مـن البكـا والتناهيـت ..

.. وأشلا من سدودٍ على النـاس باحـت

عرفت كيف الحي يفرق عن الميـت ..

.. وعرفت قيمة نعمتـي يـوم راحـت

قولولـه انـي عقـب بعـده تدانيـت ..

.. ورجلي عن دروب المعافين شاحـت

البعد نـار وطاعـة العـذل كبريـت ..

.. يقصر على بعده .. ترى الكبد فاحـت