قصيده ومضاربه بين البنات صاحبه البشره البضاء والسمراء والسوداء

:g:
هات يا قلبي عليهم عاد هات .. يوم شفت السمر جنّي مقبلات
كاملات الزين هن سيد البنات .. أرياقهم يا قلب سكر مع نبات
----- (*) -----

مآخذين الزود بالجسمة السمر .. خص بن لعبون يوم إنه يمر
شافهم وقت الضما وعظم الأمر .. شاهد (ن) له بن فرج قبل الممات
----- (*) -----

لو تشوف البيض بالحنّة تهوس .. فوق كبد أهل الهوا تمشي تدوس
بس نظرة وزاهيات (ن) باللبوس .. وبالمراقد كنهن طين السرات
----- (*) -----

غرني فيهن بياض (ن) لي لمع .. كنهن لمعة سراب (ن) وإرتفع
أقسمت بالله ونبينا اللي شفع .. ما ابيهن بالوصل لو ناويات
----- (*) -----

شفّ السمرا إسنادي في المنام .. ---------------
كنها بدر (ن) زهى في الظلام .. العين ريشة والخدود منمشات
----- (*) -----

لو عطيت البيض شي من الحقوق .. غير شوقي وسط عيني ما يلوق
هايم (ن) في حبهم دوبي أفوق .. ما تناظر قيس في الوديان هات
----- (*) -----

يوم شفت السمر عيني فتخت .. تاه مني الرشد والآله إرتخت
ضامرات البطن والفنّه إنسعت .. كنهن صيد (ن) تصقّل في فلاة
----- (*) -----

يا عديم الراي يللي لي تلوم .. السمر اركن على قلبي سهوم
كم راعي مال خلّوه معدوم .. قيس قبلي ضيّع فروض الصلاة
----- (*) -----

الهوى في ذا الوقت ماهو جبر .. والعظم لي من كسر ماله جبر
آآآه .. من طاح في جزر وثبر .. وين "محسن" لتّهوه الغاويات
----- (*) -----

طلّّق الدنيا وجاز من الأمور .. وحيلة الدنيا على إبن آدم تدور
كم خير قزر سنين مقهور .. عاش فيها بالرزالة لين مات
----- (*) -----

آآه من وقت (ن) مضى لي يا "فري" .. كم بنيان رقيته بلا دري
وكم حيد صار مني سرسري .. وصدت شوقي والخلايق نايمات
----- (*) -----

يا "فري" لو أقبلت سمرا تنود .. كنها ظبي تقلقل من نفود
الصدر مزموم مع ذيك النهود .. والشفايا رشفها فيها الحياة
----- (*) -----

أقسمت بالله وتورخت اليمين .. لأزيّد السمرا على البيضا سهمين
باتديّن يا "فري" وإنت الضمين .. عاملت بالدين كل الكاينات
----- (*) -----

جتني البيضا وقالت يا حسين .. ليش زودت السمر وإحنا غايبين
نادهم للحكم وإحنا حاضرين .. وإحكم بعدلك وخل ما فات فات
----- (*) -----

جن كل البيض والسمر حضرن .. واهنيا حسين قدامه سطرن
كني بجنّات وأغصان ثمرن .. طال عمرك وا حلو إقبال البنات
----- (*) -----

إبتدن البيض ثم صارت تقول .. يا أمير حسين إسمع ما أقول
وإحكم بإنصاف لا تصير مهبول .. خل حكمك بالعدل وإحكم ثبات
----- (*) -----

ما تقول بنا وحنّا مسفرين .. والسفر أحسن من الظلما يقين
لي نظرت البيض تلقا لك جبين .. وخدود تاضي كالشموس الطالعات
----- (*) -----

السمر يا حسين وش تلقى بهم .. لا جمال ولا كمال ولا فهم
أِشهد إن البيض أحسن منهم .. البيض كالأمهار وإن جن مقبلات
----- (*) -----

قالت السمرا علامك تغلطين .. حنا فتات المسك وإحنا المؤنسين
أرياحنا العنبر ومسك وياسمين .. حنّا هل القعدات وإحنه الغاويات
----- (*) -----

وإلا العذارى البيض من بد الملا .. مالقات (ن) ما بهن نتفة حلا
كم فتى يا حسين بالسمر إبتلى .. من نصانا ما يمل من المبات
----- (*) -----

ضحكت البيضا وقالت ذا تمام .. ما نصاكم واحد إلا وينام
وش يقابل يا مسلّم يا سلام .. السمر للبيض صارن خادمات
----- (*) -----

شفت مجلسنا علينا يبيطول .. قلت يا غزلان سمعوا ما أقول
كلكن حسنات وكلن له قبول .. كلكن بالزين والله كاملات
----- (*) -----

فضّ مجلسنا وجينا نبنقوم .. يوم أخذنا وذا التي جتنا تزوم
وصرخت يا حسين إقعد لا تقوم .. ليش تنسى السود وهن الغاويات
----- (*) -----

قلت وش ذا اللي دهم .. حتى سعيّده جاية تبغي سهم
إطردوها يا عساها للوهم .. كل برطم منها عشر وزنات

منقول ومدري من قايلها ههه
__________________

 

 

*كلكن حسنات وكلن له قبول* كلكن بالزين والله كاملات* هذا اختصار لهن وهو يغني عن كل وصف وعن القصيده كامله فكل منهن له معجب ومحب وانا حيادي فمن يعجبك منهن شاعرنا ولو بشعر ولك ودي وتقديري

 

 

رائع يابن نايس وكلهن عينين في رأس
ولاغنى عنهن فهن شقائق الرجال ولكل
حبة كيال تقبل مروري ودمت بوووود0

 

 

انت تعرف تتقنص للمواضيع 0 والقصيدة 0 للشاعر 0 المشهور ابن لعبون 0 رحمه الله وهو شاعر مبدع سعودي الاصل وتنقل بين الكويت والبحرين والعراق واشتهر بغزارة شعره وجزالة الفاضه تحياتي لك واهني نفسي والساحات بعودتك بعد غياب تحياتي 00