يا ظالمه

ياظالمـــــــــــــــــــــــــــــــــــــه


ياظالمه زينـك بشيـن السوايـا
من وين لك قلب على طول جاير


مبغا الدوا لاصار جرحك دوايـا
باكر على الظالم تدور الدوايـر


اخر علاجي الكي وانتي الكوايا
للحب عبره وانتي قربك عبايـر


لو هو على زينك بنلقى صبايـا
المشكله في الحب تعمى البصاير


الصبح واضح والخطايا خطايـا
والربح من بعض الاوادم خساير


يانفس قومي عن غـرام البقايـا
وياقلب قبل تحب شاور وخايـر


اولاد ناس ولا نحـب الوصايـا
كلن يرى نفسه يعـادل عشايـر


ماكـل قلـبٍ ينشـرى بالهدايـا
ولا كل كسر ايد فيـه الجبايـر


المعطـي الله مالخلقـه عطايـا
لو هي على خلقه سقتنا المراير


عزاي ربٍ يعطي حسب النوايـا
يرحم عزيزين الذمم والضماير


ناس تـدس الهـم بيـن الحنايـا
وناس وربي مادرت وش صاير


هذاك حظه مثل بيـض الثنايـا
وهذاك حظه مثل سودالضفايـر
للشاعر مساعد الشمراني

 

 

أتعبتنا بهذا الطرح وكأنك تعرف الخافي دائما ما تأتي على الجرح
ابوميس الحبيب تقبل مرور معزك ومغليك ودمت أنت ومن تحب
بصفاء ونقاء 0