اليوم خفوقي انزاح مابه

اليوم خفوقي انزاح مابه...واستهل الفكر وهاضت شجونه



وطير المحبة يقود أسرابه ... يحمل أبياتي ويغرد لحونه


أبيات تطرب مثل الربابه ... سطرتها في معاني موزونه


لصاحب نهب عقلي وغدابه ... وحالت كل الدروب من دونه


ذوقني ياعرب حلوه وعذابه ... وخلا فؤادي يبيح مكنونه


هو ربيع العمر وزهرة شبابه ... وهو رحيق الورد ولونه


تسحرني نظرات عينه وأهدابه...واموت لافل شعره على متونه


لا يابعد كل غالي وأحبابه ... وياروح خالد وضوى عيونه


غلاك بقلبي دق أطنابه ... ثابت وسط الضمير واركونه


ماغيّره عاذل لو إنه حكابه ... مفرق قلوب الهوى المفتونه


غرامي أنت عارفه وأدرابه ... ماغيره قسى الزمان وليونه


بعلنها واقطع شجرته ودابه ... واصيح بالصوت صوتٍ يسمعونه


مشاعري نقيه ولاهي كذابه ... أنقى من المطر في مزونه


وانسى الماضي واطوي كتابه ... واترك الحاسد يموت بظنونه


وترجع ذكريات مضت بسبابه ... ونعزف للعشق أجمل فنونه






منقول