.
*****
لك الشكر دكتورنا العزيز على تقديم هذه القصيدة القوية والصادقة
سوريا يا أم الاحرار = سوريا يا أم الثوار
يا احلى من جنات الدنيا = واعرق من كل الامصار
اشغلتي ذاكرة الراوي = يا اطول نشرات الاخبار
علمتينا ان التاريخ = يذكر دار وينسى ديار
كنتي في كل الازمان = مرصودة تحت المنظار
كنتي تحفه للفاروق = عرّب لك رسم الدينار
كنتي للسيف المسلول = دنياه وللبرزخ دار
كنتي غاده لليرموك = منها كل الغيد تغار
كنتي لبنت الازور وصفه = لاستنهاض اخت المغوار
كنتي للمأمون عيون = ترعى الزينه والآثار
كنتي للمتوكل بيت = تجري من تحته أنهار
كنتي للمتنبي صوت = غنا به حلو الاشعار
كنتي لأسطورة حطين = بوابة نصر ومعبار
كنتي للظاهر ببيرس = غمد المصقول البتار
كنتي للاطرش سلطان = نار بوجه الاستعمار
كنتي لتراب الجولان = روح تحرك فينا الثار
واليوم انتي باتعس حال = مخطوفه بيد الاشرار
لا والله ما يطول الليل = ما دام بمرباك اخيار
ما احلى الموعد ما احلى العرس = موعد درعا وشهر اذار
زفوه اربع خمس اولاد = كانوا في عمر الازهار
ثورة سجلها التاريخ = لصغار وما هم بصغار
اللي ظلما الاستبداد = ضوّوها مثل الاقمار
قالوا الكل.. الشعب يريد = اسقاط عصابة بشار
لا للصمت ولا للخوف = ولا للذل ولا للعار
حنا عزاز وحنا اخيار = وحنا احرار وحنا كبار
فينا قهر وفينا صبر = وفينا عزم وفينا اصرار
ولنكتب عبر الحيطان = صحوة شعب ونفض غبار
يسمعها ويقراها الكون = فوق شفاه وفوق جدار
من لحظتها لاح البرق = وجاء للحريه إعصار
مهما يتجبر جلاد = وين يروح من الجبار
يفرجها الله ياهل الشام = بالرجوى والاستغفار
انتوا اللي عمرّتوا البيت = واجرّتوه أرخص إيجار
والمستاجر جازاكم = مثل النعمان وسنمار
قلنا كف وعف وضف = ودار ولف ولف ودار
كل شوّي يمثل دور = يا ابو عنتر يا غوار
اليوم القصه يا شام = اكبر من لفت الانظار
تحت الظلم وخط الفقر = راح أعمار وظل اعمار
نعش الاصلاح المزعوم = دقوا فيه آخر مسمار
يبقى السوري عالي راس = ما باقي شي وما صار
لن يسكت للثائر صوت = حتى اللي خلف الاسوار
يا نحيا بعزه يا نموت = ما عند الاحرار خيار
صبراً مع فقد الغالين = موعدهم دار الابرار
والحره لو تفقد حر = تنجب غير الحر احرار
فليحيا العدل المنشود = وليسقط حكم الجزار
جند العزه في الفردوس = وجنود الباطل في النار
صدوهم ردوهم غصب = لين يولّون الادبار
وان مريتوا بالتمثال = طشوا بوجهه سبع احجار
والنصر بإذن الله جاي = بيد المعبود القهار
عذراً يا سوريا العز = ما نقبل لانفسنا اعذار
انتي من ادنى الادنين = حتى اقرب من سابع جار
اللي يجري ما هو عادي = وشلون نغض الابصار
تسّود الدنيا في العين = مع بطش وكيد الفجار
حنا ارباب الحل الصعب = حنا اصحاب الدم الحار
ما نقبل وحشية وحش = ما نرضى طعنة غدار
نبقى بنيان مرصوص = في صف الشعب اللي ثار
لأجل المبدأ والانصاف = نوقف في وجه التيار
لا جاء للذمه تثمين = لا جاء للموقف تجار
تسقط كل اقنعة الزيف = تسقط عباد الدولار
لم يخلق صوت الاكرام = للشجب وللاستنكار
واللي تفسده الايام = لن يصلح بيد العطار
مزبلة التاريخ تشيل = المتواطي والسمسار
صبّوا للصادح بالحق = أول فنجالٍ يندار
من فينا يمسي مرتاح = يا كثر أجراس الانذار
والحرب الجايه لو جات = العاقل فيها يحتار
مدري فيها من صفين = والا فيها من ذي قار
يالله تدبيرك يا رب = يالله سترك يا ستار
واحفظ سوريا الامجاد = حره في ظل الاحرار
*****
04-19-2012, 12:24 AM
العرض المتطور