تعبت اسولف لك

تعبت أسولف لك وانا ما تكلّمت
............................أسكـت أنا وأتـرك عيوني تكلّم




لاتفهم احساسي ولا تفهم الصمت
............................مـدري وش أسوي علشان تفـهم




ودي أقول فـ يوم كم فيك أنا همت.!
............................لكنّي خايـف,,خايـف أقـول وأنــدم




كل ما بغيت أقـول أحبك تلعثمت
............................حتى وأنـا أحلم فيك كنت أتلعثـم





كم ضقت منك وكم عشانك تبسمت.!
............................الله هو اللي بـس في حالي أعلـم





أحبك لحالــي ولا يــوم علمت
............................إحساس أحس المـوت من طعمه أرحم

لو بـس تدري كيف أحبـك تألـمت
............................عن كل لحظة منك كنت أتـألـم




تعبت أسولف لك .. وأنا ما تكلمت
............................يارب تفـهم بس ..يارب تفهـم !

لفهد المساعد

 

 

تعبت أسولف لك .. وأنا ما تكلمت
............................يارب تفـهم بس ..يارب تفهـم

المشكلة أنه لن يبوح لمن يحب بحبه ولذلك يجب أن يكون الرد قريباً من هذا

ماهوب ظني لو فهمتك تحدثت ...لاشك حبك يافهد صار مبهم