جيناك يالطايف المأنوس ويا اهل الطايف

.

*****

جيناك يالطايف

جيناك ياالطايف نبي شوف الاحباب = احد حدر نجد وناس بجده
رجواي بالله من ترجاه ماخاب = والله كريم وسايله ما يرده
راحوا هل الطايف ونور القمر غاب = كل شكى الفرقى ولاهوب وده
وين المصيف وين تلعات الارقاب = عقب الوجود اليوم يا بعد خده
ننشد عن الغالي ونا قف على الباب = وش خانة الطايف الى يبس ورده

تراها قصيده منقوله
لا يروح بالكم بعيد

*****

 

 

.

*****

اهل الطايف

اذكر هل الطايف عسى الطايف السيل = عسى السحايب كل يوم تعله
ذكرى الليالي الماضية والتعاليل = عليه دمع العين دايم تهله
ترى الشقا كل العنا والغرابيل = فرقا الحبيب اللي تنكر لخله
عليه دمع العين مثل الهماليل = والى ضواه الليل ياعبرة له
اشكي عليك الحال عسر المداخيل = يخفي دموع العين لاينفطن له
لاعاد لاحيلة ولابه مراسيل = مشكل غرام الحب يامن يحله
بلواك ياراعي العيون المظاليل = اللي خذيت الزين والملح كله

وهذي كماها منقوله
لا تقلون ما علمتنا

*****

 

 

.

*****

شرحه
منقول لكم بالخير يا اهل الطايف

يا اهل الطايف عسى السيل يسقيكم = خمسة ايام على الراس عاده
خمسة ايام على فرع واديكم = يااهل الطايف عسى الخير يقتاده
عيني اللي تنثر الدمع تبكيكم = كل يوم ناقص الحال بزياده
الله اكبر كل ما حل طاريكم = ينزعج قلبي على غير معتاده
والله اني ازعج الصوت وادعيكم = وان زعجت الصوت مانيب نشاده
ما تردون النظر يم غاليكم = عادة بالخير مافيه حساده
اتمشى وانتظر في حراويكم = مانتهنا لذة النوم ورقاده

*****

 

 

وهذي فوق البيعه ياأبوتوفيق

حبيبي في روابي شهار

وكان البدر يحمينا .. ويسعدنا في ليالينا
يناجينا ويهنينا .. ويحلا الحب والسهره
روابي شهار .. بين الازهار
وعبق الشيح والعطرا
في امان .. في امان .. امان امان والله ..

حبيبي في روابي شهار .. و وادي وج والمثنا
وكم فيها لنا اسرار .. غرام وشوق ما ننسى
ليالي الحب .. تهني القلب
وكان لينا الزمان يصفا
ياخي .. ياخي .. ياخي ياخي والله ..

حبيبي القرب لي جنة .. وأية نفحها المبسم
ونار الهجر والفتنه .. جهنم منها ارحم
وخاف الله .. لأجل الله
عسى من لوعتك نشفا
عسى .. عسى .. عسى عسى والله ..

 

 

في الذاكرة ذكرى وتسبيح وبـروق=تبعث من البـارح جنـون الكتابـة

حاولت أخلي الصدر للصدر صندوق=وأدفن حنين إنسـان كلـه غرابـة
والشعر ما قدّر تحدر مـع المـوق=في داخلي يتفجـر الصـدر غابـة
بوابة الطايـف عناقيـد وعـذوق=حانـت ومالـت فعيـون الغـلابـة
والصبح ريح النار والليل طـاروق=من حنجرة شاعر تصعلـك شبابـه
يهدي بوادي وج والناس في السوق=تاكل في لحمه ما درت عن صوابـه
أحـن للقريـة وللغيـم وأتــوق=للصبح قبل الصبـح يخلـع نقابـه
هنا ولدت وعشت والموت ملحـوق=وأنا أتلمس بالشفا أشيـاء تشابـه
الغيم والهتـان والـورد والـذوق=ليـن الشفـا منهـا تلبـس ثيابـه
إليا عطشت أطلع جبال الشفا فـوق=وأشرب بكفك ما من أقرب سحابـه
أحيان أقول إن الشفا غيب وبـروق=يعني سما مفتـوح والغيـب غابـة

كلمات عيضه السفياني


فى الشفا

 

 

(1) رمز السياحة

الطايف اللي مايبيله شهاده

اللي ملك رمز السياحه بتصنيف

يلقى به المصطاف غاية مراده

من دين من دنيا ومن شي ماشيف

قربه لمكه زاد حسنه زياده

وقربه من ابها حط فيه التواصيف

الشاعر - حاتم بن حمدان العبادي


(2) عروس المملكة

تلقى تراحيب المطر من ناسها لاجيت ضيف

يشهد لها ضيف العشاء والزائر اللي ضافها

زوارها من فضل ربي في تزايد كل صيف

وهي تفاخر كل صيفية بسحر اطيافها

مدينتي بين المداين مالها عندي وصيف

تبقى عروس الملكة وانا افتخر باوصافها

الشاعر- طايل الذويبي


(3) الطائف أحلى

والطايف احلى والله اللي فرقها

عن المصايف والفوارق كثيره

في جوها في وردها فى نبقها

في ناسها والا البيوت الشهيره

أحس وأنا ماشيا في طرقها

إن السعادة لو تطول قصيره

الشاعر- عبد الله الحربي


(4) ورودها أشكال

مصيافنا الطائف على كل مصياف

لا هبهب الغربي وذعع نسيمه

من زارها مره يصير ميلاف

يحكي بها شوق النديم النديمه

فيها الهدا وورودها أشكال وصناف

وفيها الشفا شابك ضبابه وغيمه

الشاعر - مبطي العالي


(5) طبيعة فاتنة

يا باغي الصيف والمصياف والراحة

الطائف أحلى المصايف فالسعودية

إن كان تبغا سياحة قوم بسياحة

فالطائف أحلى المحلات السياحية

مابين خوخه ورمانه وتفاحة

طبيعة فاتنة وأجواء طبيعية

الشاعر - عيضه الثبيتي


مع فائق التقدير للاستاذ أبي توفيق

 

 

ما ارق أشعار أهل الطايف وخذ هذه المعاني
ومن مما قيل من كلمات جميلة في المجرور ما قاله ابن شحاتة من مواليد النفعة من عتيبة :
أهل السلامة علموني دقة الطار
وكيف أتثنى وكيف أضرب سلملك .
ويعتبر لحن المجرور الرجالي وشعر المجرور بصفة عامة شعر غزلي وقليل مايوجد فيه أشعار
غير غزلية .
ليس كل شاعر يستطيع أن ينظم قصيدة في المجرور ،وهذه قصيدة من أجمل القصائد التي
كتبت في المجرور :
بنفسك على نفسك تبيعت
تسامح وتعفي
وان كان لي ذنب فأنا قد تربيت
ومازال يكفي
وان شفتني يا قرة العين أنا أخطيت
خذ الحق وافي
بزادي وشربي سيدي ما تهنيت
ولا بات طرفي
أشخص جمالك كل ما أصبحت وأمسيت
قبالي وخلفي
وان جدت لي بالوصل والنفس أحييت
وأطفيت لهفي .
ولكي نبقي هذا الفن التراثي الجميل على مر الأزمان علينا نشر هذا الفن الجميل للأجيال
الصاعدة . احسنت الاختيار
خحقق الله آمال كل غيور على أصالة أمته .