سلة أوجاعي

--------------------------------------------------------------------------------

سلة أوجاعي


وجع حب وجع شعر وجع شوق وجع ضيقــــة***على كيفك وهاك اختار هذي سـلة أوجاعـي
غلا واسمع نزيف الجرح كلام الصمت ما طيقه***انا محتاج أسولف لك عن أول وآخر أوضاعـــي
وابد لا يجرحك صوتي حياة الــطير تحلـيـقه ***عليك الله يــصـير الكون والمسباق والداعـــي
أنا أصدق طير بالدنيا عشق حتى مسابيقه***ولكني بديـــت أذكر مـــــــعاك أيام مـــــربــاعـــي
تعال أفتح كــفوفك حلم.. وأمـــوت بيوم تحـقيـقـه***تعال أرسم بحور الشعر..وكسر لو تبي شراعي
تعبت أفتش بدفتر وأحس بحزن تطبيقه***دخيلك غمض عيوني وخل الشوق لصباعي
أبي غيم سرق ربعي ودللـهـم بتشريقـــه***أكون أول بشر مجنون تزوره بالعطش قاعــي
حتى لو وهم تكفى أبي أتوهم بـتصـديـقه***أبي ذات أبي مولد يوازي صرخة الناعــــي
أحس بداخلي عالم حرام أكتم مـــخاليقـــه***حرام أسكت وأنا صوتي نذر وجهه لاتباعـــي
يا أول قلب يبكيني وتبكيني مواثـــيــقـــه***أنا اطباعي ما هي زينه بس هذي اطــــباعــي
تغرب بي قوافل موت اقول العمر تشريقــــه***أعيش بشبه غيبوبه وأعرف ان الزمن واعـــــي
أكمل لك وجع خوف ووجع فقر ووجع ضيقـــة***وعلى كيفك ترتبني حلالك بالغلا أوجــــاعي

للشاعر : سليمان المانع (شاعر الغربه و الأحزان)

..:::تقبلوا تحياتي:::..


__________________

.. أطـرد بـدرب الـذاكــره..!! وقـع الأقـدام ،،
،، واسـمـع سـراب ،، كـل مـا اجـيـه يزما ..

.. أيـامي ارضٍ عـشـتـهـا .. وارضي أيام ،،
،، وبين الوجوه !! أغديت عمري والاسما ..

( بـالما كتبت أغـلا المبادي و الأحلام )
( لا واخـســاره يـالـكـتابـه عـلـى الما )