خيــمة الحمّـاية : شـعـب جعملة يحييكم ويستضيفكم في خيمته التراثية

الرد /


عجيب تحضر في الهوشه و لا تفرع
تقول مالي بها وانا اش عليّ آنا
بعض البشر لو بغينا نتنقى له
يهوله الله عمره ما شفى صدري
باعوِّد احذر منه فيه هلك ماليه

 

 

الله يوفقك يابوسامي

يا صيد ريته يسيّر في ولاة أفرع
يرعى الحيا في سهول وفي عليّانا
أدعج غنج في عيون وفي تنقّاله
ما ينقنص قد توزّى في شفا صدري
سبحان رباً هبا فيه الكمالية

صح لسانك يا سنايدي ولا يهون راعي الرد ابو رايد

مريت قبل يومين على الخيمة ولقيت فيها حيبة ما تسر الصديق الخيمة مهبية والطير داس وذرى وفي خاطري بافتزع بك اليوم ولقيتك ما شاء الله قد سبقتني وعلقت فيها هذي القصيده الله يجزاك خير والله الله لا تكون صعقه في قفا ذيب تقفون عنا ولا ولا تردون الراس ....

وابشروا بذيك الهرفيات والسمن من سمن قذله اللي على بالك .. نبي الخيمة تعود لسابق مجدها

وين ابو ناهل و سعد دوبح ؟؟؟؟؟

 

 

المشاركة الأصلية كتبت بواسطة صالح بن عطية

الرد /


عجيب تحضر في الهوشه و لا تفرع
تقول مالي بها وانا اش عليّ آنا
بعض البشر لو بغينا نتنقى له
يهوله الله عمره ما شفى صدري
باعوِّد احذر منه فيه هلك ماليه

صح لسانك يا بو رائد

ابشربي يا بو رائد

عجيب واله عجيب يا بو سامي

انا لقيت ابو توفيق وقف سيارته عند الخيمه

وطلع يتقهوى تحت الخوط

مدري وشبه

*****

 

 

بدع جميل من أبوسامي
ورد اجمل من أبورائد
والكثر جمالآ هو عودة الغاليين
أبوأديب وأبا رائد

عمومآ لايمكن تجاهل الخيمة أكثر من هذا
وهذا البدع لمن أراد الرد

البدع

أغلب فنون البلد عندي لها مرجع
صبحت بالسامري وأمسيت عالدانا
حتى المجس اعرفه وادري بمواله
والينبعاوي مع المزمار والحدري
لكني آشوف عرضتنا مثاليه ...

 

 

شعب شعملة .. دوبك داري إن الخيمة مهبية هذا اللي كان ناقص أنت ما تدري إن عمود الضيعة راعيها وتالي الناس فزاعة ..
وما تدري بالمثل اللي يقول ( من رز سوقاً يمّنه )

ها اسمع علم يصلك ويتعداك هذي آخر مرة تغيب عن الخيمة وإلا الله الله هدها وفكنا منها ..
إحنا ما صدقنا تنبني تجمع الأصدقاء والخلان والربع في سوالف وقصائد وعلوم رجال تقوم تخليها شرهة وسط الوجه ..

ابن الجنوب
الله يحييك في الخيمة .. تقهو وسولف وقف في صف من تحب المهم عندنا تواجدك ..


ابو ناهل
الله الله عليك هكذا الربع يريدون واحدة من عندك وواحدة من ابو رايد وواحدة من ابو محمد .

البدع ( ابو ناهل )
أغلب فنون البلد عندي لها مرجع
صبحت بالسامري وأمسيت عالدانا
حتى المجس اعرفه وادري بمواله
والينبعاوي مع المزمار والحدري
لكني آشوف عرضتنا مثاليه
الرد ( بن رمزي)
يامن تغيب عن الخيمة وهام ارجع
اللي سبقته زمان امسي تعدّانا
واللي عطف على الجميع اليوم ناوا له
طعم العسل ما يشابه طعم ملح ادري
خلك عسل ياعسل مثلك مثالية

 

 

مرحبا هيل عد السيل

اعمدة الخيمة ابو سامي وابو رائد وابو ناهل وابن الجنوب

زمان عن السوالف والعلوم الزينة

ابشر يابو سامي انت تامر وحنا حاضرين

 

 

هذه تحية خاصة مني للخيمة
عباره عن بدع أترقب ردوده

البدع
انحن على عهدنا ذلحين وان شبنا
وللقا كم سعى قلبي وشيغف له
واهل الوفا مااتلقاهم بشيغابي
يسدنا كم تناحرنا وشيغبنا
أما الذي بين صدقانه وشى بغيبه
بازهله واترك طريق بها مشى عيبه

....................
الله الله ياربع الخيمه لايبطي الرد ..

 

 

سلام يا أهل الخيمة يعلم الله إن الخيمة دوبه بدأ وقتها خصوصاً في جدة أو مكة والسهرات دوبها زانت والجو رائع .. لكن أحيانا يأتي من ينغص علينا ويجعل بعضنا في دوامة وفي حيرة ..
والنوايا ما يعلمها إلا الله نفكر إحيانا أننا ماشين في طريق صحيح وتظهر من الواحد علوم تخلينا في شكك ..

أبو ناهل الله يسامحه أحيانا يستثيرني بقصيدة يجبرني على قول شي ما ودّي أقوله .. لكن على قولة ملاسي الله يرحمه القارعة ما ترحم وما أقدر أصيف عنها ..
جيت اليوم الخيمة قلت با سولف مع الرجاجيل ولقيتها مهبية وفي جنب الخوط معلق هذه القصيدة .. غنيت بها واستحيت من الرجال وخفت يجي ما يلقى الرد ويدري إني جيت .. هذا الرد يا أبو ناهل ..

البدع / ابو ناهل
انحن على عهدنا ذلحين وان شبنا
وللقا كم سعى قلبي وشيغف له
واهل الوفا مااتلقاهم بشيغابي
يسدنا كم تناحرنا وشيغبنا
أما الذي بين صدقانه وشى بغيبه
بازهله واترك طريق بها مشى عيبه

الرد / عبدالله رمزي
بغى يساير جميع الناس وأنشبنا
يحسب بساحاتنا همله وشي غفلة
مايدري إنا عرفنا شي وشي غابي
في وسط قلبي منه تعبه وشي غبنا
مادامت إنه بيتعبني وش ابغي به
إحنا بشر ما بنتحمّل مشا عيبه