خيــمة الحمّـاية : شـعـب جعملة يحييكم ويستضيفكم في خيمته التراثية

المشاركة الأصلية كتبت بواسطة صالح بن عطية

الرد /


عجيب تحضر في الهوشه و لا تفرع
تقول مالي بها وانا اش عليّ آنا
بعض البشر لو بغينا نتنقى له
يهوله الله عمره ما شفى صدري
باعوِّد احذر منه فيه هلك ماليه

صح لسانك يا بو رائد

ابشربي يا بو رائد

عجيب واله عجيب يا بو سامي

انا لقيت ابو توفيق وقف سيارته عند الخيمه

وطلع يتقهوى تحت الخوط

مدري وشبه

*****

 

 

بدع جميل من أبوسامي
ورد اجمل من أبورائد
والكثر جمالآ هو عودة الغاليين
أبوأديب وأبا رائد

عمومآ لايمكن تجاهل الخيمة أكثر من هذا
وهذا البدع لمن أراد الرد

البدع

أغلب فنون البلد عندي لها مرجع
صبحت بالسامري وأمسيت عالدانا
حتى المجس اعرفه وادري بمواله
والينبعاوي مع المزمار والحدري
لكني آشوف عرضتنا مثاليه ...

 

 

شعب شعملة .. دوبك داري إن الخيمة مهبية هذا اللي كان ناقص أنت ما تدري إن عمود الضيعة راعيها وتالي الناس فزاعة ..
وما تدري بالمثل اللي يقول ( من رز سوقاً يمّنه )

ها اسمع علم يصلك ويتعداك هذي آخر مرة تغيب عن الخيمة وإلا الله الله هدها وفكنا منها ..
إحنا ما صدقنا تنبني تجمع الأصدقاء والخلان والربع في سوالف وقصائد وعلوم رجال تقوم تخليها شرهة وسط الوجه ..

ابن الجنوب
الله يحييك في الخيمة .. تقهو وسولف وقف في صف من تحب المهم عندنا تواجدك ..


ابو ناهل
الله الله عليك هكذا الربع يريدون واحدة من عندك وواحدة من ابو رايد وواحدة من ابو محمد .

البدع ( ابو ناهل )
أغلب فنون البلد عندي لها مرجع
صبحت بالسامري وأمسيت عالدانا
حتى المجس اعرفه وادري بمواله
والينبعاوي مع المزمار والحدري
لكني آشوف عرضتنا مثاليه
الرد ( بن رمزي)
يامن تغيب عن الخيمة وهام ارجع
اللي سبقته زمان امسي تعدّانا
واللي عطف على الجميع اليوم ناوا له
طعم العسل ما يشابه طعم ملح ادري
خلك عسل ياعسل مثلك مثالية

 

 

مرحبا هيل عد السيل

اعمدة الخيمة ابو سامي وابو رائد وابو ناهل وابن الجنوب

زمان عن السوالف والعلوم الزينة

ابشر يابو سامي انت تامر وحنا حاضرين

 

 

سلام والعون والمعونة

الله يحييكم جميع الأول والتالي

وش بكم يوم جا البرد عودتم تدخلون الخيمة

وعز الله شي فيها ما يدفي ... !!

لا سمن ولا تمرة ولا ما يحفي في العين وش تيه يا به!!!!

لقيت هذا البدع لابن رمزي وحاولت الرد إن سمح لي

فأقول :

اغتنم فرصة رياحك إذا ماانْوَسْت ريح

لو تكن نص ريح

فق لعمرك لا يغرك شبابك والمنى فق

والسعادة صعب تاجي لعقل مارضي


هذه محاولة مني يا بوسامي إن راقت لك ولرواد الخيمة

وإلا احذفها جعلها ما تعود !!!

وخلني أعود عند هوشي

 

 

ابوسامي

مرحبا الف تراحيب السيل

ابشر انا وسيارتي ومعاميلي جاهز ... حددوا الموعد بس

بالله يا قلب ابن رمزي تريح وأستريح
لا تقول إلا الصريح
ما اعرف أجامل ولا كنت في طبعي منافق
هذا طبعي والذي ضاق جعله مارضي

ابوسهيل

الله عقل ..... الحمد لله ... ردك البرد للخيمة

هيا الله يحييك انت وعلومك ... خل هوشك في الركيب يلقمها الولد وانت اقلط تفاول معنا خبزة ومعرق وسمن وعسل ودلة قشر ...

وباقي معنا لك علوم .... يقلون من طول الغيبات جاب الغنايم .... وانت وش قلت ؟

 

 

حياالله من جانا
وتحية خاصة للغالي أبوسامي
الحريص على الخيمة وروادها

.... إبتهاجآ بعودة بعض رواد الخيمة
أبوسامي - أبوأديب - أبوتوفيق - أبوسهيل

علقت هذا البدع في عمود الخيمه
واللي بيمر أكيد بيشوفه
وذا يسمح خاطره يرد

البدع

بوأديب انحن بنلقاك بالكادي وشيح
وتحايا ماتبيح
بك وبااللي صاغ قوله مع عذب المناطق
بوسهيل اللي علومه تطول عارضي

.....................

أخيرآ : الريس وجبل الشعبة وصالح عطية ؟!!

 

 

يا أبو سامي
ممكن تراعون ظروف الموظفين وتخلون التمشية ربوع + خميس + جمعه

يمكن حد يرافقكم


وثانيا :
هذا ردي المتواضع
يا ليت تقبلوه على علاته

العلوم الزينه ما بدّرق عنها واشيح
ما أبغي العلم القبيح
ودي إنّا نتجوّل على بعض المناطق
في ديار التهم والاّ بنجد العارضي

 

 

يا لله أصبحنا على رضاك
اللهم إنا أصبحنا نشهدك ونشهد ملائكة عرشك وجميع خلقك بأنك أنت الواحد الفرد الصمد لا إله غيرك وأن محمداً عليه الصلاة والسلام عبدك ونبيك ..
لا إله إلا أنت سبحانك

الله يحييكم .. أشوف الوفود تبدأت تسارع على الخيمة الحبيبة .. أكيد يحبون اللوق خباث المذهب .. ما صدقتم إن شعب جعملة يصيح في احمد فيصل للفال وسمعتم الخبزة والسمن والعسل والمعرق وجيتم تتساعون ..
احمد فيصل الله يعطيك العافية لردك على قصيدتي ويعطيك العافية على فتاق البلاد .. لكن أشوف السماء صافية والمطر يجيبه الله سبحانه ..

الربع نوو يطلعون يستسقون وحلفوا يمين ما يطلعون إلا بثور يذبحونه لوجه الله ويتقسمونه بينهم بعد الصلاة ..
وكلفوني أكلمك في واحد من ثيرانك .. منها يأخذونه شركة ومنها تريح اهلك من واحد من الهوش ..
وأنا خابرك رجال طيب اللي في جيبك ماهو لك فكيف إذا كان الموضوع يخص الجماعة .. أكيد ما تقدر تقول لا ..
اسمع وأنا عمك ورد منّي ..


ودّنا نتشرّك الثور الأحمر يا فصيح
وإلا تعطينا صبيح
بعد ما نذبحه يمكن يجي نواً وبارق
لا يجيني العلم وإنك لقولي رافضي


ابو ناهل وصالح بن عطية ما شاء الله عليكم الله العالم اللي جابكم هي القصائد والسوالف وإلا العيشة ..
خلونا نتهنّا الفال ..
أنا أشوف إن القارعة ضيقة وأفضل تغيرونها منها نغير الطروق ومنها نفتح قارعة سهلة شوي ..
ترى قصيدتي ما نويت بها قارعة بس دندنت بها وأنا ضيق من بعض المعارف.. وانتم ما صدقتم وسمعتم الملالاة إلا وانتم تلا لون معي ..

ياصالح من نوى يتمشى ما يرده شي يقدر يدبر نفسه ..

 

 

يمكن تتذكرون البقرة اللي جبتها عام الاول وآبو منها الرفاقة وهبو لنا فيها فتنة



وذلحين بنجيب تيه البقرة تشركوها بالرحمن

هيا هبوا فيها عذروب كما الاولة

يقول عبدالله بن رمزي

ودّنا نتشرّك الثور الأحمر يا فصيح

وإلا تعطينا صبيح

بعد ما نذبحه يمكن يجي نواً وبارق

لا يجيني العلم وإنك لقولي رافضي


وأنا أقول:

الكريم إلى بغى الجود ما يحتاج صيح

بكره ياجي من صبيح

مثل بن رمزي نواصله في شفيان بارق

متبع سنة محمد ولا هو رافضي

وسلامتكم جميع