أبعــــــــاد .

أبعاد


من لبّس عيونه ظلام المدينه؟
وهو الفضول بنظرته مالها أبعاد

يغوص بأوراق السنين الحزينه
وميعاد يولد كل مامات ميعاد

بعثر على درب الاماني سنينه
تضحك عليه بلاد ويلوذ ببلاد

ليا ظمت ذكراه ..يمطر حنينه
وتغرق ملامحهم ولاينقص عناد

وين الامل..وين السعادة ووينه؟
يقوده الوقت الرمادي وينقاد

تلطخت في دم شعره يدينه
وصار الزمن شاهد وقاضي وجلاّد

قابل بشين العمر من دون زينه
وهو الذي في ماضي الوقت زهّاد

اعشوشب ظلال المدينه بعينه
علمه بشمسه (تسع) والباقي مهاد

يلمس على الخلوه بقايا سنينه
ويدلي على بير الهواجيس ورّاد

تنسل من ضلوعه أغاني دفينه
تقرا بعيونه..شايبٍ يندب أمجاد

يحق النظر يرفع بعزّه جبينه
ويشوف بكره مثقلاله بميلاد

ترجع لوجهه ..طلته ياسمينه
وترقص على صدره مشاهير وأجياد

يفتح عيونه ماتحدّه مدينه
يرسم من الاول لنظراته..أبعاد


للشاعر سليمان المانع

 

 

ابعاد

إبعاد كنتم وإلا قريبين
المراد إنكم دايم سالمين
ماأقول غير الله ..
الله يكون بعون كل العاشقين

أشتاق .. واسأل عنكم الأشواق
الفراق ماغيَّر علي الفراق
عساكم مانسيتوني عساكم
وعسى مامر هوى بعدي وخذاكم
ناطر هواكم ناطر .. قادر ولاني قادر
ومااقول غير الله ..
الله يكون بعون كل العاشقين

ليله.. ليله .. ليله .. ياليله
مُنيتي أسهر معاكم ليله
وأشتري بعمري رِضاكم ليله
يراودني أمل في ليله القاكم
وأطرِّز بالفرح أحزان فرقاكم
عساكم مانسيتوني عساكم
وعسى مامر هوى بعدي وخذاكم
ناطر هواكم ناطر .. قادر ولاني قادر
و مااقول غير الله ..
الله يكون بعون كل العاشقين


كلمات: فائق عبدالجليل

 

 

.

*****

للشاعر سليمان المانع عدد من القصائد الجميلة والمعبره
ومنها قصيدة نبطية بعنوان "طقوس"

حياتنا جنح الصدى ترفض الصوت = وهو غصنها المفرد وهي جمع ورقا
نهرب لها تهرب بنا.. نطلع تفوت = الموت الأصدق لا والأقوى والأنقا
نعيش وأحلا أقمارنا تشربه حوت = ونضرب على نحاس القصايد لغرقا
عن عنكبوت أحلامنا ننسج: سكوت = طلع ذهب.. يا فضة الحكي فرقا
نذبح بيوت بدمها نبني بيوت = من وين نرقا الدرب وين نرقا؟
عاري جهلنا شغلته يلعن التوت = وهذا الورق لا أشبع ولا أمتع ولا أسقا
كيف أفتخر؟! وأنا أشعر الشعر "عكروت" = ! يَدوّرْ بنا كل الفضايح.. ويلقا
خجلا قصايدنا تهزَّعْ لهارَوت = وترقص لسحره في نواعيس عنقا
مبطي نسينا جرح سينا وبيروت = يعني وبعنا حيف "حيفا" بطرقا


تحياتي وتقديري مشرف عام3

*****

 

 

انتقاء جيد لقصائد الشاعر سليمان المانع